ШӨХТГ-ын даргаар томилогдсон Т.Аюурсайхан сэтгүүлчидтэй уулзалт зохион байгуулж энэ жилд хийх ажлын чиглэлээ танилцууллаа. Сүүлийн үед иргэдээс маш ихээр гомдол дагуулах болсон шатахууны үнэ, эрчим хүч, дулааны үнэ нэмэгдсэн асуудал дээр ажлын хэсэг гарган ажилуулж байгаа бөгөөд ойрын хугацаанд шийдвэр гаргаж олон нийтэд танилцуулахаар боллоо.

Мөн Үнэ тогтворжуулах бодлогын хүрээнд улсаас татаас авсан команиудын үйл ажиллагаанд хяналт шалгалт хийж татаасын зарцуулалт хуульд нийцэж буй эсэх, барилгын метр квадратын зөрүүг арилгаж иргэдийг хохиролгүй болгох, банкуудын нэг хувийн шимтгэлийн асуудлыг ч нэг мөр болгож үр дүнд хүргэж ажиллана гэдгээ сэтгүүлчдэд уламжиллаа.

Иргэд, олон нийтийн эрхийг хамгаалах, аж ахуйн нэгжүүдийг шударгаар өрсөлдөх боломжийг хангахын тулд байгаа орон тоо, бүтцийнхээ хүрээнд хурдан шуурхай ажиллаж иргэдэд тухай бүр мэдээ мэдээллийг хүргэж ажиллана гэдгээ ч бас энэ уулзалтан дээр онцолсон юм.