Монгол улс гурван сая дахь иргэнээ өнөөдөр өглөө нэгдүгээр төрөх эмнэлэгт хүлээн авлаа гэх мэдээлэл цахим ертөнцөөр тархаад буй. Тэгвэл дээрх мэдээллийг худал болохыг Үндэсний статистикийн хорооноос мэдэгдлээ. Мөн манай сурвалжлагч тус мэдээллийн дагуу нэгдүгээр төрөх эмнэлэгт очиж хүлээн авахын ажилтнуудаас нь тодруулахад "Гурван сая дахь иргэн төрөөгүй" гэсэн хариултыг хэлсэн юм. Түүнчлэн иймэрхүү мэдээлэл нь олон нийтийн санаа бодлыг үймүүлж, үүний үр дүнд жирэмсэн эхчүүд төрөх хугацаанаасаа өмнө хийсвэрээр төрөх байдал газар авч байгаа тул худал ташаа мэдээлэл тараахгүй байхыг холбогдох албанаас анхааруулж байна.