Сайхан үгтэй  уриа, үнэтэй рекламаараа бусдын тархийг угаадаг  атлаа бодит байдал дээрээ эсрэг байх  үйлчилгээнүүд цөөнгүй. Үүний тод жишээ нь“гурвалсан үйлчилгээ” гэх тодотголтой “Юнивишн” компани. “Юнивишн”-ий гурвалсан үйлчилгээг авсан хэрэглэгчид үе үе  телевизийн суваг нь гацах, утас нь ажиллахгүй болох, интернэт нь тасардаг энэ байдлыг аль хэдийнэ мэддэг болж, бараг л эвлэрэх шахаж байна. “Юнивишн” тасарсан л бол “Тасарцан уу...” гэх энэ үг сошиал ертөнцийн од болно шүү дээ. УИХ-ын дарга хүртэл твиттер хуудаснаа “Тасарцан уу?”гээд л... Ингээд бодохоор хүнээр бол “Юнивишн гэж байнга л “тас” компанийн захирал болсон нэг нөхөр болж таарах нь.
Хэрэглэгч бидний “Юнивишн” компанийн талаар бас нэгэн мэддэггүй зүйл нь төлбөр нь тодорхой бус байдаг явдаг. Тодруулбал, хэрэглэгчид “Юнивишн”-ий кабелийг сонгохдоо рекламдаад байгаа бага үнэнд нь хууртдаг. Үнэндээ эхэлж бага үнэ хэлээд хэрэглэгчдийг залилдаг гэсэн үг. Үүнийг хэрэглэгчид тэр бүр мэддэггүй ч, сонголт хийснийхээ дараа уур бухимдлаа барж дуусдаг. Өөрөөр хэлбэл, сарын сүүлд нэмэлт үйлчилгээний төлбөр гээд бөөн мөнгө нэхэж гарна. “Юнивишн” хэрэглэгчдийнхээ төлбөрийн нэхэмжлэхийг сар бүрийн 5-ны өдөр ирүүлдэг юм байна. Тэгээд ирсэн нэхэмжлэхийн дагуу тухайн сарынхаа 15-ны өдөрт багтааж төлбөрөө төлөх бөгөөд заасан өдөрт нь багтаан төлбөрөө төлөөгүй бол бүх үйлчилгээг нь таслачихна. Мөн төлбөр төлөх хугацаа хэтэрснээс хойш нэг сар өнгөрвөл 8500 төгрөгийн алданги төлж үйлчилгээгээ сэргээлгэх боломжтой гэнэ билээ. Энэ мэтчилэн хатуу нөхцөл нь томилолтоор олон явдаг гэртээ ховор байдаг хүмүүст огт таалагдсангүй. Яг үнэндээ багцын үнэ хямд гээд л рекламдаад байгаа ч шинэ хэрэглэгч интернет кабель болон нэмэлт үйлчилгээнүүдэд сарын 50 000-60 000 төлдөг юм байна. Өнөөдөр эдийн засгийн хямралтай энэ үед хэрэглэгчид телевиз үзэх гэж 50 000 төлөх юу ч бол. Үүнийхээ оронд хүнсний зүйлээ авахыг урьтал болгоод антениараа үнэгүй  телевизээ хүлээн авч үзээд явах бүрэн боломж бололцоо хэрэглэгчидэд бий. Нэгэнт л зах зээл дээр гараад үйл ажиллагаагаа явуулж байгаа бол хэрэглэгчидээ хүндлэх ёстой. Ер нь үйл ажиллагаагаа эрхэлж байгаа аж ахуйн нэгж байгууллага, пүүс компаниуд хэрэглэгчиддээ соёлтой боловсон түргэн шуурхай үйлчилгээ үзүүлэхгүй бол хэрэглэгчидээ алдана гэдгийг сайн ойлгодог л байлтай. Бас нэгэн жишээ дурьдахад “Юнивишн” компани 5-9mb хурдын төлбөр аваад 2-3 мb-ийн үйлчилгээ үзүүлж байна. Юнивишн компанийн 6 мb интернэтийн хурдтай 39900 төгрөгийн төлбөртэй гурвалсан премиум багцын үйлчилгээг авахдаа интернэтийн хурдыг 3 мb-ээр нэмэгдүүлж, 1 мb  хурд тутамд 10000 төгрөг нэмж, сард нийт 77100 төгрөг төлдөг. Гэтэл тус компаний интернэтийн хурдыг 2-3 мb хэмжээнд барьж хэрэглэгчдийг хохироож, луйвар хийж байна. Хэрэглэгчид нь энэ талаар удаа дараа хэлж, ярьж хандаж байгаа боловч үл хайхарч хохироосоор өнөөг хүрчээ.

Тэд хэрэглэгчдийг шулж, мөлжсөөр л... Хүмүүс тэр бүр очоод кино үзэж амждаггүй. Үүнийг юнивишнийхэн маш овжиноор, гэхдээ хэрэглэгчдийг төөрөгдүүлж ашигласан. Өөрөөр хэлбэл, хэрэглэгчид кино театрт үзэж амжаагүй киногоо видео сангаас нь хүссэнээрээ үзсэн. Гэтэл сарын төлбөр нь тамтаггүй их гарч, хэн нь ямар кино үзээд байгаа нь хяналтнаас гардаг. Эхэндээ  “Юнивишн” тавиулсан гээд онгирч байсан хэрэглэгч маань нэг сар, хоёр сар өнгөрөхөд, “Танайх ямар кабельтай билээ?” гэж асуухад ”Univision” гэж хэлэхээс ч айдаг болж эхэлдэг нь нууц биш. “Юнивишн” хэрэглэгчдийг айлгаад зогсохгүй, хэдэн кино уран бүтээлчдийг ч гартаа оруулсан бололтой. Кино уран бүтээлчид театрт бүтээлээ гаргахдаа ашгийнхаа 55, IPTV-д тавихдаа 50-70 хувийг татаасанд өгдөг юм гэсэн. Тэгээд бас болоогүй ээ. Гадаад кино 4500 байхад, монгол нь 1500-4000 төгрөгийн үнэлгээнд ёстой чардайж байж хүрнэ. Манайхан киночдыг ам л ангайвал өөдөөс нь хэлдэг ганц үгтэй. “За та нар Америк шиг мундаг уран бүтээл хийдэг болчихоод мөнгө нэхээч” гэнэ. 300 сая хүн амтай улсыг, зах зээлийг гурван сая хүн амтай улстай харьцуулж ижил жингийн туухай тавих нь хачирхам.