Энэ  сарын  26-ны  Засгийн  газрын      хуралдаанаар  тариаланчдаас  дотоодын  гурилын  үйлдвэр   болон  Тариалан  эрхлэлтийг  дэмжих  санд  нийлүүлсэн  улаанбуудайн  тонн  тутамд  70000 төгрөгийн  урамшуулал  олгохоор  шийдвэрлэсэн  билээ.  Үүний  дагуу  ХХАА-н  сайдын  1-р сарын  29 –ны  өдрийн  11 тоот тушаал гарч тариалан  эрхлэгч  908   аж ахуй  нэгж,  иргэдэд  нийт  25 тэрбум төгрөгийн урамшууллыг  аж  ахуй  нэгжүүдийн  дансанд  нь  шилжүүлжээ.

         Манай  улс  2014 оны  ургац хураалтын дүнгээр  315,8  мянган  га-гаас 518,7 мянган тонн  үр тариа , үүнээс   489,4 мянган  тонн  буудай ,  164,0 мянган  тонн  төмс, 102,2 мянган тонн  хүнсний  ногоо, 51,7 мянган  тонн тосны  ургамал, 40,3 мянган  тонн тэжээлийн  ургамал  буюу улсын  дунджаар га-гаас 16,6  цн үр  тариа,  үүнээс  16,9 цн буудай, 123,2 цн  төмс,  122,9 цн хүнсний  ногоо, 24,5 цн  тэжээлийн  ургамал, 6,4 цн  тосны  ургамал  тус  тус хураан авчээ.

        Төрөөс стратегийн  таримал  болох улаанбуудайн үйлдвэрлэлийг  дэмжих  зорилгоор 2007  оноос  улсад  болон  гурилын  үйлдвэрт  стандартын  шаардлага  хангасан  хүнсний  улаанбуудай  нийлүүлсэн  иргэн,  аж  ахуйн  нэгжид мөнгөн  урамшуулал  олгож  эхэлсний  үр  дүнд  сүүлийн  6  жил  дарааллан  нэгжээс  авах  ургацын  хэмжээ нэмэгдэж  13.2-16.9  цн-т  хүрсний  зэрэгцээ  техник,  тоног  төхөөрөмж,  үрийн  шинэчлэл  эрчимтэй  явагдаж,  бордоо,  ургамал  хамгааллын  бодисын  зохистой  хэрэглээ  төлөвшиж,  хураан  авч  байгаа  ургацын  чанар  сайжирч  байна.