Мэргэжлийн сүмо бөхийн 69 дэх Их аварга Хакүхо М.Даваажаргал өчигдөр эх орондоо ирлээ. Тэрбээр Токиогийн онгоцоор 16.20 цагт газардсан бөгөөд энэ удаа VIP бүсээр бус, энгийн бүсээр зорчигчдын хамт гарч ирсэн юм.

Тэрбээр мэргэжлийн сумогийн 33 дахь түрүүг хүртэж, түүхэн дээд амжилтын эзэн болсон билээ. Их аварга Хакухогийн энэ амжилтыг үнэлж, Монгол Улсын Хөдөлмөрийн баатар цолыг энэ сарын 17 буюу маргааш гардуулах юм.