Монголынхоо төлөө, өөр юуны ч төлөө бус13 хоног өвлийн хүйтэнд гадаа, хөлдүү цементэн дээр, сайхан сэтгэлт олон түмний өгсөн хөнжил, эсгийнээс өөр салхи жавар хаах зүйлгүй өлсгөлөн зарлаж байсан 8 эх орончид бий. Тэгвэл тэдгээрээс нэг иргэнийх нь бие муудаж эмнэлэгт хүргэгдэж, харин хоёр нь осголтын зэрэгтэй байгаа. Бусдынх нь бие ч тааруу.
Гэвч өчигдөр шөнийн 12:00 цаг өнгөрч байхад цагдаа нар өлсгөлөн зарлагдсадыг албадан Чингэлтэй дүүргийн эмнэлэг рүү авч явлаа.
Эх орончид 12 хоногийн турш гадаа өлсөж байсан бол өчигдрөөс хураалттай байсан гэрээ барьж, дулаацан бүлээцэж, тэмцлээ цааш үргэлжлүүлж байсан.
Гэтэл төрийнхөн эх орныхоо төлөө тэмцэгчдэд ийм хариу барьлаа. Өлсгөлөн зарлаж байгаа эх орончдын арын албанд ажиллаж байсан залуус цагдаагийнхан ирэхэд бүгд гэрээ тойрон зогсч, эх орончдыгоо хамгаалж байв. Гэтэл тэднийг бас цагдаагийнхан хүч хэрэглэн авч явлаа.
Гэхдээ цагдаа нарын ингэж албадан тарааж байгаа нь иргэнийхээ эрүүл мэндийг бодсонтой холбоотой гэдгийг хаа хаанаа ойлгож байгаа биз ээ.
Өлсгөлөнд оролцож байсан зураач бүсгүй Өнөрчимэгээс юу болсон талаар тодруулахад “Цагдаа нар хамгаалалт хийсэн ба намайг очсоноос хойш 30 минутын дараа машиндаа суугаад явцгаалаа. Багцаагаар 80 гаруй залуус тэнд байв. Хэвлэл мэдээллийнхэн алгa” гэв.