Өнөөдөр болох зарим үйл явдлыг танилцуулж байна.10:00 цагт Нийслэлийн Гэмт хэргээс урьдчилан сэргийлэх ажлыг зохицуулах зөвлөлийн ээлжит хурал НЗДТГ-ын хурлын А танхимд болно. Хурлаар 2014 онд гэмт хэргээс урьдчилан сэргийлэх ажлын хүрээнд хийсэн ажлыг танилцуулж, 2015 оны төлөвлөгөөг батлах тухай асуудлыг хэлэлцэнэ.
10:00 цагт Баянзүрх дүүргийн Тамгын газрын чуулганы танхимд тус дүүргийн 7 хороо, 5 сургуульд хэрэгжиж байгаа "Цэвэр шүд-Эрүүл хүүхэд" хөтөлбөрийн нээлтийн үйл ажиллагаа болно.
10:30 цагт СХД-ийн Иргэний танхимд 3 сая дахь иргэний нас чацуутан 18 хүүхдэд батламж гардуулах ёслол болно.
11:00 цагт Монгол цэргийн музейд Монгол үндэсний бэлэгдэл, хээ угалзыг бусад орон булаалдаж эхэлсэнтэй холбогдуулан түүнийг олон нийтэд дэлгэрүүлэн таниулах, дэлхийн өвд бүртгүүлэх зорилго бүхий "Монгол бэлэгдлээ дээдлэе" цогц үйл ажиллагааны нээлтийг Батлан Хамгаалахын яам, Монгол цэргийн музей, “Нобелийн шагналтнууд” хүүхдийн номын сан хамтран зохион байгуулна.
11:30 цагт Аж үйлдвэрийн яам, ХБНГУ-ын Эдийн засгийн хамтын ажиллагаа, хөгжлийн яам, Олон улсын хамтын ажиллагааны нийгэмлэг /GIZ/-тэй хамтын ажиллагааны санамж бичигт гарын үсэг зурна. Энэхүү төслийн зорилго үндэсний болон орон нутгийн түнш байгууллагуудын чадавхыг сайжруулснаар эрдэс баялаг, түүхий эдийн салбарын чадамжийг ашиглан өргөн цар, хүрээтэй, тогтвортой өсөлтийг бий болгоход оршино.
12:30 цагт "Зууны мэдээ" сонины Үндэсний мэдээллийн төвд Монголын гол нууруудын нэгдсэн хөдөлгөөнөөс ТББ-уудтай хамтран Урт нэртэй хуулийн нэмэлт өөрчлөлтийн асуудлаар мэдээлэл хийнэ.
14:00 цагт Эх орончдын өдрийг угтаж “Thanks man” клуб, МУИС-ийн Түүхийн тэнхим хамтран УБ хотод үйл ажиллагаа явуулдаг ЕБС-ийн төгсөх ангийн сурагчдын дунд зохион байгуулж буй ”МОНГОЛЫН ТҮҮХ”-ээ хэн сайн мэдэх вэ, олимпиад Тусгаар тогтнолын ордны Бага танхимд болно.
