Бяцхан охин төрсөн эцэг, хойд эхийнхээ гарт амиа алдсан харамсалтай хэрэг гарлаа. Улмаар хүчирхийллийн эсрэг дуу хоолойгоо нэгтгэхээр хүмүүс тайван жагсаал хийхээр болсон.

Тэгвэл жагсаалын талаар  хүчирхийллийн эсрэг үйл ажиллагаа явуулдаг “Лантуун дохио” ТББ-ын тэргүүн Ч.Ганжавхлангаас  тодрууллаа.

-Дөрөвхөн настай охин гадны нөлөөтэй амиа алдсан маш харамсалтай хэрэг гарлаа. Энэ тал дээр?
-Хүүхэдтэй холбоотой иймэрхүү хэрэг олон удаа гарч байна. 2013 оны тавдугаар сард л гэхэд хүүхдээ заазуурдсан, 2014 онд хоёр, найман настай хүүхдийг хазсан хэргүүд гарч байсан. Гэтэл хүүхдийн хүчирхийлэл хэрээс хэтэрч заазуурдаж, хазахын зэрэгцээ хүчиндэж амийг нь хороож байна.  Тэгэхээр энэ асуудалд төрийн бус байгууллага, мэргэжлийн байгууллага, ээжүүд хамтарч ажиллах хэрэгтэй байна.

-Жагсаал хийхээр яригдаж байна. Зөвшөөрлийг нь авсан уу?
-Хагассайн өдрийн орой 18.:00 цагт жагсаал хийнэ гэж байгаа ч зөвшөөрөл нь авагдаагүй байгаа. Энэ бүхэн шийдэгдсэний дараа тухайн жагсаал цуглааныг дорвитой хийх, цаашид хүүхдийн эрх зөрчигдөхгүй байх тал дээр хууль зүйн үндэслэлтэй шаардлагуудаа тавьж, гарын үсэг цуглуулж, зул өргөж, хүүхдүүдэд буян үйлдэнэ. Жагсаал цуглааныг тайван байдлаар явуулна. Өөрөөр хэлбэл, хуулийн ба мэргэжлийн байгууллага талаас үйл ажиллагаагаа явуулна. Ерөнхийдөө олон нийтийн нөлөөллийн ажилд түлхүү анхаарах хэрэгтэй гэж бодож байна. 2-3 хоног хэтэрчихвэл энэ асуудал намжиж мэднэ. Манайханд тийм тал байдаг. Тиймээс хагассайн өдрийг сонгосон.

Хамгийн гол нь зорилттой. Үр дүнтэй жагсаал байгаасай гэж хүсч байна.

-Хүүхдийн нэрийг ашигласан янз бүрийн “лайк” цуглуулах хуудас нээгдсэн харагдаж байна?
-Хүүхдийн нэрийг ашигласан лайк цуглуулах фэйжүүд цуглуулаад эхэлжээ. Хаан банкны хандивын дансны дугаар үүсээд эхэлчихсэн байна. Замбараагүй янз бүрийн грүппүүд ч үүсчихжээ.

-Хүүхдийн өмгөөлөлийн асуудалд анхаарч байгаа юу?
-Хүүхдийн өмгөөлөлийн асуудалд Стратегийн өмгөөлөл оруулахыг үр дүнтэй гэж бодож байна. Энэтхэгт ийм асуудал гарвал маш том үндэсний бослого хүртэл гарч байсан жишээ ч бий.
Өчигдөр маш олон зуун ээж нойргүй хоносон. Өнөөдөр 5000 ээжийн төлөөлөл ирж үзэл бодлоо хэлж байна.