Хаврын улирал болж газар тариалан эрхлэгчдийн ажил алба тун удахгүй эхлэх гэж байна.  Тэгвэл энэ жил тариалан эрхлэлтийг дэмжих сан энэ хаврын тариалалтад 17.5 тэрбум төгрөгийн дэмжлэг үзүүлэхээр болжээ. Мөн аж ахуйн нэгжүүдэд шаардлагатай үр, шатахуун, бордоог хугацаанд нь нийлүүлэх ажлаа эхлээд буй аж. Өнгөрсөн жилийн хувьд тариалан эрхлэхэд төрөөс бэлэн болон бэлэн бусаар нийт 460 орчим тэрбум төгрөгийн дэмжлэг үзүүлсэн байдаг юм.