Улсын Бүртгэлийн Ерөнхий газар эд хөрөнгийн бүртгэлд бүртгүүлсэн орон сууцны бүртгэлийн тайланг олон нийтэд танилцууллаа.
Хувь хүн
Энэ оны нэгдүгээр сарын тайланд тэмдэглэснээр Монгол Улсын хэмжээнд хамгийн олон орон сууц эзэмшдэг хүн 68 байртай аж. Харин 57, 39, 33 орон сууц эзэмшдэг иргэд удаалж байгаа аж.
Улсын хэмжээнд 20-иос дээш орон сууц эзэмшдэг найман иргэн байгаа бол 10-20 орон сууц эзэмшдэг 80 хүн байна.
Орон сууц өмчлөх эрхийн бүртгэлд 239 мянган иргэн бүртгэлтэй байгаагийн 84.5 хувь нь нэг орон сууцтай байгаа бол 12.5 хувь нь хоёр байртай, 2.1 хувь нь гурван байртай байгаа аж.
Аж ахуй нэгж
Хамгийн олон орон сууц эзэмшдэг хуулийн этгээд 81 орон сууцтай байгаа бол 61, 54, 48 байр эзэмшдэг компаниуд бичигдэж байна. Хуулийн этгээдийн хувьд 20-иос дээш орон сууц эзэшдэг 23 компани байгаа бол 10-20 байр эзэмшдэг 40 байгаа аж.
Эд хөрөнгийн бүртгэлд шинээр бүртгүүлсэн орон сууц
2015 оны нэгдүгээр сард 1696 орон сууц Эд хөрөнгийн бүртгэлд шинээр бүртгүүлсэн болохыг Улсын Бүртгэлийн Ерөнхий газраас мэдээллээ. Үүнээс 73 хувь нь Улаанбаатар хотод бүртгэлтэй байна.
Д.Үжин
Сэтгэгдэл (3)