Баянгол дүүрэг дэх Мэргэжлийн хяналтын хэлтсээс тус дүүргийн 16 дугаар хороонд байрлах “Боса” ХХК-ийн хүнсний сүлжээ дэлгүүрүүдийн нийт 22 удирдах ажилтан, худалдагчдад байгууллагын сургалт зохион байгууллаа.
Сургалтыг БГД дэх МХХ-н Хүнсний чанар аюулгүй байдлын хяналтын улсын ахлах байцаагч Т.Оюунбилэг, Эрүүл ахуй халдвар хамгааллын хяналтын улсын байцаагч Д.Рэгзэдсүрэн, НМХГ-ын Экспорт, импортын хяналтын хэлтсийн Хүнсний чанар аюулгүй байдлын хяналтын улсын байцаагч Х.Оюунцэцэг Б.Удвал нар хамтран “Хүнсний тухай”, “Хүнсний бүтээгдэхүүний аюулгүй байдлыг хангах тухай” хуулиудын талаархи танилцуулга, Хүнсний түүхий эд бүтээгдэхүүний гарал үүсэл, баталгаажилт, татан авалтын журам, ул мөрийн бүртгэл, хадгалалт, тээвэрлэлт, шошгын стандартын хэрэгжилт, “Эрсдэлд суурилсан импортын хяналт” сэдвээр байгууллагын сургалт явууллаа.
