Алдарт жүжигчин Роберт Де Ниро өнгөрсөн Даваа гаригт хэлсэн этгээд үгнээсээ болоод АНУ-ын тэргүүн хатагтай Мишель Обамагаас уйчлал гуйсан билээ.Тэрбээр Ардчилсан намын хандивлагчдын уулзалтын үеэр "Калиста Гингрич, Карен Санторум, Энн Ромни /ерөнхийлөгчдийн сонгуульд нэр дэвшигчдийн эхнэрүүд/ та бүхэн АНУ-ын цагаан тэргүүн хатагтай болно гэж бодож байна уу? Арай эрт юм биш үү?”  хэмээн хошигнон хэлсэн юм.

   Алдарт жүжигчин Роберт Де Ниро өнгөрсөн Даваа гаригт хэлсэн этгээд үгнээсээ болоод АНУ-ын тэргүүн хатагтай Мишель Обамагаас уйчлал гуйсан билээ.Тэрбээр Ардчилсан намын хандивлагчдын уулзалтын үеэр "Калиста Гингрич, Карен Санторум, Энн Ромни /ерөнхийлөгчдийн сонгуульд нэр дэвшигчдийн эхнэрүүд/ та бүхэн АНУ-ын цагаан тэргүүн хатагтай болно гэж бодож байна уу? Арай эрт юм биш үү?”  хэмээн хошигнон хэлсэн юм.
Бүгд найрамдах намын нэр дэвшигч Роберт Де Нирог болчимгүй үг хэлсэн хэмээн шүүмжилсний дараа жүжигчин эр “Би санаандгүй хэлсэн ёжтой үгээр хэн нэгнийг ялангуяа тэргүүн хатагтайг гомдоож, гутаах гээгүй шүү” хэмээн мэдэгджээ.

Түүний аавдаа зориулсан кино болон жүжигчний амьдралын тухай яриаг хүргэе.

-Би өчигдөр жүжигчин Деннис Хоппертэй /АНУ-ын алдрат жүжигчин/ хамт байлаа. Гэтэл тэр Роберт Де Нирог жүжигчин болъё гэж хүсэхэд хүргэсэн зүйл нь юу гэдгийг мэдэхсэн гэж байна лээ?  
-Би ес, арав л настай байсан байх. Яг юу намайг жүжигчин болохыг хүсэхэд нөлөөлснийг санахгүй байна. Ер нь бол би их сониуч хүн. Хэрвээ Деннис байсан бол энэ намайг жүжигчин болох хүсэл төрүүлсэн гээд л хэлэх байсан байх. Гэвч би бол яг юу гэдгийг хэлж мэдэхгүй байна. Би түүнийг 16 настай байхдаа л харж байсан юм. Чи түүнд тэр талаар ярьж байсан уу?

-Юуны талаар?
-Би Деннисийг яг 32 жилийн өмнө “Мандиго” кинонд тоглож байхад нь харж байсан юм.

-Тэр ямархуу байсан бэ?
-Деннис тэр үед авьяаслаг, залуухан жүжигчин гэдэг нь харагдаж байсан. Би тэр үе рүүгээ буцаж очоод тэр киног үзмээр л байна шүү.

-Тэгээд юу болсон бэ?
-Болдог юм болдгоороо л болсон.

-Бобби /Роберт Де Нирогийн богино нэр/, Деннис хоёр анх уулзаж байхад нэгэн үзэсгэлэнт охин Деннис дээр хүрч ирээд жүжиглэх талаар нэг юм асуусан. Тэр үед Бобби /та/ инээгээд эцэг эх чинь чамайг жүжигчин болохыг зөвшөөрөхгүй байгаа юм уу гэж асуусан?
-Үгүй үгүй. Эцэг эх хоёр маань хоёул дэмжигчид байсан. Тэд хэзээ ч надад үгүй гэж хэлэхгүй. Миний ээж жүжгийн сургуульд хяналтын уншилт, үг шивэх зэрэг үүрэгтэй ажилладаг байсан. Тиймээс би 10 настайгаасаа эхлээд Бямба гариг бүрт ээжийн ажил дээр очингоо хүмүүс жүжиглэж байхыг харах болсон. Би 15 настайгаасаа Стелла Адлертай хамт Консерваторийн жүжгийн сургуульд явдаг боллоо. Тэгээд сургуулиа хаяад 18 настайгаасаа жүжигчдийн студид явдаг болсон юм.

-Жүжигчний ангид явснаар танд болон найзуудад чинь ямар нэгэн хүндрэл гарсан уу?
-Ерөнхийдөө найзууд маань хэвийн байсан. Заримдаа найзууд маань надаар даажигнахаар ирэхэд нь би тэднийг битгий ирээсэй л гэж боддог байсан.

-Аав тань жүжигчин болохыг хичээж буйг тань харахад танд ямар нэг нөлөө үзүүлж байв уу?
-Би түүнийг хэрхэн амьдарч байгааг хардаг байсан. Тэмцэл. Тэр Нью-Йорк хотын төв хэсэгт жүжигчдийн амьдралыг тэргүүлж байсан. Бидний мэддэг “Сохо” /дүүрэг/ тэр үед үйлдвэр ихтэй байсан.

-Та Соход өссөн үү?
-Би Виллейжид амьдардаг байсан. Аавтайгаа уулзахаар тэнд очдог байсан. Аав, ээж хоёр тусдаа амьдардаг байсан юм.

-60-аад оны сүүл үед ээж тань Сохогийн урлагийн ертөнцөд алдартай байсан биздээ?
-Тийм ээ. Надаас илүү ээж маань энэ тухай ихийг ярих байх аа.

-Таны найруулсан анхны кино “Нью-Йоркийн домог” нэрээр гарч байсан. Та киногоо аавдаа зориулсан гэж сонссон?
-Аав маань тавдугаар сард нас барсан. Тиймээс эцэг, хүүгийн тухай кино хийх нь сайхан санаа гэж бодсон юм. Би бүтээлээрээ бахархдаг. Гэвч би түүн шиг дэврүүн тэмүүлэлтэй уран бүтээлч байгаагүй.

-Кино зохиолч Чаз Палмитерийн 60-аад оны сүүлчээр хөрш дээрэмчин Соннигийн нөлөөгөр Нью-Йоркт өсч буй Калегеро нэрт хүүгийн тухай гардаг нэг хүний жүжиг дээр үндсэлсэн байсан. Та яагаад энэ жүжиг дээр үндсэлье гэж бодсон юм бэ?
-Миний багш дөрөв, таван жилийн өмнө надад энэ жүжгийн талаар хэлсэн юм. Би өөрөө Лос Анжелест байсан учраас тэрнийг нь Жэйнд /Де Нирогийн хамтрагч/ хэлсэн. Жэйн “Тийм ээ. Ажил бүтэмжтэй байна. Гэхдээ Чаз жүжгийг нь кино болгох бол өөрөө Соннигийн дүрд тогломоор байна гэсэн” гэв. Эхлээд би тэр зохиолыг хэрвээ би энүүгээр кино хийвэл гэсэн нүдээр огт хараагүй. Зөвхөн шүүмжлэгчийн нүдээр л харсан. Зохиол үнэхээр сайн байсан. Зохиол, Чаз хоёр хоёулаа надад таалагдсан.

-Арьс өнгөөр ялгаварлах үзэлтэй тэмцэхэд кино тань нөлөөлсөн гэж боддог уу?
-Би энэ асуудлаар ямар нэг зүйл хэлмээргүй байна. Би сайнаар нөлөөлсөн үгүйг мэдэхгүй. Хэн киног яаж харж байгаагаас л шалтгаалсан байх.

-Жүжигчний хувьд та Скорсес, Коппола, Бертолукки зэрэг алдартай найруулагчтай хамтарч байсан. Гэвч “Нью-Йоркийн домог”-ийг үзсэний дараа надад анзаарагдсан зүйл бол та тэдгээр найруулагчийн стилийг кинондоо ашигласан байсан. Та хэзээнээс Италийн сонгодог найруулагчдын уран бүтээлийг сонирхох болсон юм бэ?
-Би тэгээгүй ээ. Би тэдний найруулсан киног үздэг болохоос дуурайдаг биш. Миний аав намайг хар багаас л кинонд дуртай болгосон. Би Балын амт, Бямбын шөнө, Ням гарагийн өглөө зэрэг кинонуудад дуртай.

-Жүжигчний хувьд алдартай найруулагчтай ажиллахад таны санааг зовоодог зүйл байв уу?
-Би тохиромжтой нөхцлийг үүсгэх хэрэгтэй гэж үзвэл найруулагчтайгаа ажилладаг. Найруулагч нь нэр хүндтэй хүндгүй байх нь хамаагүй намайг хүндэлдэг, би тэр хүнийг хүндэлдэг бол хамтран ажиллана. Кино хийх амар ажил биш, чи ёс зүйтэй, бас хамаг чадлаа шавхаж ажиллах ёстой. Амьдрал богино ч гэлээ би энэ салбарт азтай байсан.

-Та карьераа эхлэх үед өөрийгөө сурталчлах хэрэгтэй байсан уу?
-Тийм ээ. Та жүжигчин болж эхэлж байгаа л бол би сайн жүжиглэж чадна гэж хэлэх ёстой. Чи үүнийг хийж чадна, учир нь хүмүүс чамайг харж байна, чиний нэр олонд түгэж байна, энэ бүгд нийлж чамайг үнэлэх дүгнэлт болдог.

-Таныг удахгүй Мэри Шиллэйн Франкштэйн дээр ажиллана гэсэн?
-Тийм ээ. Энэ киног Кеннад Бранах найруулах болно. Тэр маш авьяаслаг, мэдрэмжтэй.

-Та ямар дүр бүтээх вэ?
-Би Критур гэж дуудагддаг мангасын дүрд тоглоно.

-“Нью-Йоркийн домог”-ийг оролцуулаад та романтик кинонд амжилт олсон. Та Нью-Йоркийг жинхэнээсээ романтик хотод багтана гэж үзэж байна уу?
-Тэгж хэлж болно. Парис болон зарим европын орны архитекторооос шалтгаалж романтик хэмээн хэлж болох юм. Нью-Йорк Лондон, Парисаас ч илүү маш сэтгэл хөдөлгөм. Нью-Йорк бол томоохон үйл явдлын төв юм. Эмх замбараагүй байдал үүссэн ч би эндээ л амьдарна.

-Бобби Де Ниро Нью-Йоркт амьдрахын сайхан нь юу юм бэ?
-Нью-Йоркт би онцгой нэгэн болж харагдахгүй. Паппараци, чиний тухай нийтлэл, амархан танигддаг царайтай бол чиний ирэх ёстой газар Нью-Йорк.