15 жилийн өмнө найруулагч Жэймс Камерон “Титаник” киногоо бүтээж дэлхийн кино ертөнцийг өөрчилсөн юм. Энэ кино хамгийн өндөр өртгөөр бүтээгдээд зогсоогүй найруулагчийн нөр их хөдөлмөр дээд шатны бүтээл болж чаддагийг харуулсан юм. Харин энэ жил “Титаник” хөлөг живсний 100 жилийн ойгоор “Титаник” кино 3D-ээр гарах болж, нээлтээ хийлээ.

    15 жилийн өмнө найруулагч Жэймс Камерон “Титаник” киногоо бүтээж дэлхийн кино ертөнцийг өөрчилсөн юм. Энэ кино хамгийн өндөр өртгөөр бүтээгдээд зогсоогүй найруулагчийн нөр их хөдөлмөр дээд шатны бүтээл болж чаддагийг харуулсан юм. Харин энэ жил “Титаник” хөлөг живсний 100 жилийн ойгоор “Титаник” кино 3D-ээр гарах болж, нээлтээ хийлээ. Нээлтийн үеэр тус киноны “эзэн” Жэймс Камеронтой хийсэн сонирхолтой ярилцлагыг хүргэж байна.

-Маш олон хуучны кинонууд 3D хэлбэрээр шинэчлэгдэн гарах болжээ. Та яагаад “Титаник” киногоо шинэчлэхээр шийдэв ээ?

-2005 онд бид “Титаник” киноны хэсгээс нэг үйл явдлыг сонгож 3D хэлбэрт оруулах гэж хичээсэн юм. Нийлээд 15 минутын л үйл явдал. Энэ хэсэг үнэхээр гайхалтай харагдаж байсан. Тиймээс би “Титаник” киног бүхэлд нь ийм хэлбэрт оруулж үзэхийг хүссэн юм. Гэвч киногоо шинэчлэхэд олон жилийн хугацаа шаардлаа. Бид кино театрууд 3D хэлбэрт “урваж”, бусад кинонууд болон үзэгчид 3D хэлбэрт дасахыг хүлээхээр шийдсэн. Энэ дасан зохицол явагдсаны дараа ажилдаа орсон доо.  Энэ ажил маш хүнд байсан. “Титаник” киног бүхлээр нь 3D хэлбэрт оруулахын тулд 300 хүн 60 долоо хоногийн хугацаанд өдөр бүр завгүй хөдөлмөрлөж, 18 сая доллар зарцуулсан.
-“Титаник” гэдэг зургийг үзэгчид дахин дахин үздэг байсан. Харин та кино болгосон.
Намайг 14 настай байхад “Титаник” маань “2001: Сансрын Одиссей” гэдэг нэртэй кино байсан. Тэр үед DVD, VCR гэсэн ойлголт байгаагүй. Тиймээс киног дахин дахин өөр хэлбэрт оруулах амар ажил байгаагүй. Би “Титаник” зургийг 18 удаа маш анхааралтай ажиглан харж байлаа. Зураг намайг үнэхээр гайхашруулж, ямар нэгэн төсөөлөл төрүүлсэн. Надад маш хүчтэй нөлөөлсөн учраас би кино хийхээр шийдсэн. “Титаник” одоо 3D-ээр “хөвөх” болно.

-Та жүжигчин Леонардо Ди Каприо, Кэйт Уинслит нарыг од болгосон. Тэд хамтдаа гол дүр бүтээсэн нь дэлхийд алдаршсан. Та тэдэнтэй дахин хамтран ажиллах уу?

-Би тэр хоёрын хоёулантай нь дахин кино хийх хэрэггүй гэж боддог. Учир нь энэ хэт давтагдсан хэрэг болно. Гэвч би тэр хоёрын аль нэгэнтэй нь өөр кино дээр хамтран ажиллах болвол татгалзах зүйлгүй дуртай байх болно. Лео-ын хувьд /Леонардо Ди Каприо/ бид сайн харилцаатай байдаг, гэвч “Титаник” кино хийгдсэний дараа сайн найзууд болж чадаагүй юм. Миний бодлоор Лео “Титаник” кинотой орооцолдохыг хүсэхгүй байгаа. Харин Кэйтийн хувьд шал өөр. Бид “Титаник”-ын дараа ч улам дотно найзууд болсон. “Титаник 3D” киноны нээлт дээр Кэйт Уинслит, Билли Зэйн нар ирсэн. Хэрин Лео ирээгүй.

-“Титаник” хөлөг живсний 100 жил энэ жил болж байна. Та хөлгийн сүйрлээр амиа алдагсдыг дурсдаг уу?

Энэ олон жилийн турш би “Титаник”-ийн түүхийг судалсан. “Титаник” хөлөг, хөлгийн зорчигчид бүгд миний “хамаатнууд”, тэдний эмгэнэл миний хувьд ч эмгэнэл болсон. “Титаник” хөлөг живсэн буюу 4 сарын 15-ны өдөр 23.40 цагт би сүйрсэн хөлөг болон тэнд амиа алдагсад, амьд үлдэгсдийг хүндэтгэн хундага өргөх болно.