Таны эхний  алхам: А үсгийн хэлбэртэй бэлхүүсээрээ  бариу хийгдсэн шинэ загварууд, таталбар зураг шиг шулуун шугамтай 60-аад он ба уян налархай 40- оны чамин хослолууд энэ хаврын төгсөлтын гоёл болж байна. Өнгөний хувьд  улаан, хар,  цагаан гурвын хаанчлал тунхаглагдсан ч гэлээ зохиомол хурц өнгөний дайралт үргэлжилсээр байна. Та цэнхэр өнгийг сонговоос гүн цэнхэр  сүрлэг уужим цэлмэг тэнгэрийг хараад бишрэх хүн олонтаа. Өвлийн дүнсгэр төрхийг  хаврын хувцасны эдлэл хэрэглэл , график хээ, эрээлжлэх хурц тод , содон өнгүүд амь оруулна. Богино банзал ,цээживч, богино даашинз энэ улиралын гоёлын  топ хитүүд болно.

 Таны хоёр дахь алхам: Нурууны өндөр нам, биеийн харьцааг харгалзан  торгоны хээний том жижгийг  биедээ  тохируулан хувцасаа сонгох нь 2 дахь  алхам болно.

 Өндөр,том ястай биерхүү охидод  том хээтэй  торго, сулавтар нэхээстэй сунадаг  намирсан торгон материалтай хувцас зохино. Харин овор  хэмжээ ихтэй хүзүүний зүүлт, ээмэг, цүнх мөн хэт жижиг цэцгэн  цоохор хээтэй торгон гоёл сонгохоос татгалзаарай  учир нь таныг улам онцгой том биерхүү харагдуулна.

Намхан нуруутай охид залуус хурц тод өнгөтэй материалыг сонгоорой, харин том хээ хуартай торго силкэн даавуу материал сонгож авахаас аль болох зайлсхийгээрээ. Хувцасныхаа гоёлыг  жижиг биеийнхээ харьцаанд тохируулан бага овор хэмжээтэй ээмэг зүүлттэй хослуулвал  гоо үзэсгэлэнг тань  илүү тодруулах төдийгүй биеийн галбир, үзэмжийг тун донжтой байдлаар тодотгон харагдуулах болно

Тарган махлаг охидуудад  хэт их хуниа нугалаа , гоёл чимэглэл ихтэй  загвар таныг улам овор ихтэй нүсэр харагдуулна. Харин өвдөгнөөс доош урттай , босоо оёдол эсгүүртэй хагас бие барьсан загвар таны биеийг овор багатай, тэнцвэртэй  харагдуулна. Харин гоёл чимэглэл өө сэвийг тань дарж хувцасыг  тодруулж өгөх учраас хувцасны өнгөтэй болон нүүрний хэлбэртээ тохируулан  ээмэг зүүлтээ  сонгоорой.

Эрэгтэй хувцасны мода сезон дагаж өөрчлөгдөөд байдаггүй. Эмэгтэй хувцсыг бодвол илүү  тогтвортой  байдаг тул энгийн цэвэрхэн  костюмыг сонгоорой. Хар, хөх өнгөөр гангарсан залуу хийморьлог харагдана.

 Хүний хэрэглээний тансаг хэмжүүрийг илтгэгч алтлаг боронзон өнгө энэ сезонд мөн санал болгогдон ирлээ.

Залуусаа амьдрал үргэлж сайхнаараа гэдэг туйлын үнэн үг шүү.