Саяхан МУ-ын Ерөнхийлөгч Ц.Элбэгдорж ийм нэгэн үгийг хэлсэн байна билээ. Тэрбээр, “Засгийн газар огцрох тусмаа мууддаг. Өмнөхөөсөө долоон дор сайдууд томилогддог юм” гэсэн байна билээ. Би түүний энэ үгэнд үнэмшиж байна. Яагаад гэхээр Эбэ маань өнгөрсөн улстөрийн амьдралд ёстой хийж ч явсан хийлгэж ч явсан гэдэг шиг огцруулж ч явсан, огцорч явсан толгой л доо. Тэгэхээр үүнийг мэдэхийн дэдээр мэдэлгүй яав гэж.

2012 оны сонгуульд АН ялсан. Гэхдээ олонхи болсон. Ялалт гэдэг ялалт л байдаг. Спортод ялсан л гэхээс хэдэн оноо авсныг нь ярьдаггүй шүү дээ. Улстөрийн тэмцэлд ч мөн ялгаагүй. Тиймээс АН ялсан гэж бардам хэлээд байгаа хэрэг.

Ингээд намаа ялуулсан Н.Алтанхуяг Ерөнхий сайд болж, түүний “Шинэчлэлийн” нэртэй Засгийн газар 2012 наймдугаар сарын 21-нд байгуулагдлаа. Мөн танхим  нь ийм боловсрол мэргэжилтэй хүмүүсээр бүрдсэн байв.

Ерөнхий сайд  Н.Алтанхуяг. МУИС. Физикч

Засгийн газрын хэрэг эрхлэх газрын дарга Ч.Сайханбилэг.  ОХУ. Түүхийн багш

Шадар сайд Д.Тэрбишдагва-. ХБНГУ. Хүнсний инженер, технологич

Гадаад харилцааны сайд Л.Болд. ХБНГУ. Үйлдвэрчний эвлэлийн дээд сургууль

Хууль зүйн сайд Х.Тэмүүжин . МУИС. Хуульч

Барилга, хот байгуулалтын сайд Ц.Баярсайхан. ОХУ,МУИС. Инженер, эдийн засагч статистикч

Зам, тээврийн сайд А.Гансүх. МУИС. Эрх зүйч.

Уул уурхайн сайд Д.Ганхуяг. Япон, АНУ. Физикч, инженер эдийн засагч

Хөдөлмөрийн сайд Я.Санжмятав. СЭЗДС. Эдийн засагч.

Хүний хөгжил, нийгмийн хамгааллын сайд С.Эрдэнэ. ЦНДС. Команд штаб.

Эдийн засгийн хөгжлийн сайд Н.Батбаяр. ОХУ. Эдийн засагч.

Боловсрол, шинжлэх ухааны сайд Л.Гантөмөр. Япон. Электроникийн инженер.

 Соёл, спорт, аялал жуулчлалын сайд Ц.Оюунгэрэл. ОХУ. Төлөвлөлт, эдийн засагч.

Үйлдвэр хөдөө аж ахуйн сайд Х.Баттулга. ДУДС. Зураач.

Батлан хамгаалахын сайд Д.Бат-Эрдэнэ. ОХУ. Улстөр судлаач, философич

Байгаль орчин, ногоон хөгжлийн сайд С.Оюун. Чех. Геохимич.

Сангийн сайд Ч.Улаан. ОХУ. Инженер, эдийн засагч.

Эрүүл мэндийн сайд Н.Удвал. АУДС. Эмч.

Түлш эрчим хүчний сайд М.Сономпил. ЦНДС. Инженер.

2012 онд байгуулагдаад хоёр жил овоо эвтэй, хов жив ч багатай явж асан Н.Алтанхуягийн “ШИНЭЧЛЭЛИЙН” гэгдэх Засгийн газрыг АН-ынхан нь өөрсдөө хор найруулсаар байгаад унагааж 2014 оны арванхоёрдугаар сарын 9-ний өдөр Ч.Сайханбилэгийн тэргүүлсэн “ШИЙДЛИЙН” гэгдэх Засгийн газар гарч ирлээ.

Ерөнхий сайд Ч.Сайханбилэг. ОХУ. Түүхийн багш

Шадар сайд У.Хүрэлсүх. ЦНДС. Команд штаб.

ЗГХЭГ-ын дарга С.Баярцогт. ХБНГУ. Бизнесийн удирдлага.

Монгол Улсын сайд М.Энхсайхан. ОХУ. Эдийн засагч.

Гадаад хэргийн сайд Л.Пүрэвсүрэн. ОХУ. Димломатч.

Сангийн сайд Ж.Эрдэнэбат. ХҮДС. Эдийн засагч.

Хууль зүйн сайд Д.Дорлигжав. МУИС. Хуульч

Байгаль орчин, ногоон хөгжил аялал жуулчлал Д.Оюунхорол. УБДС. Математикч

Батлан хамгаалахын сайд Ц.Цолмон. ОХУ.Цахилгааны инженер.

Боловсрол, шинжлэх ухааны сайд Л.Гантөмөр Япон. Электроникийн инженер.

Барилга, хот байгуулалтын сайд Д.Цогтбаатар. ОХУ. Дипломатч.

Зам тээврийн сайд Н.Төмөрхүү. МУИС. Бизнесийн удирдлага.

ХАХНХ-ын сайд С.Эрдэнэ. ЦНДС. Команд штаб.

Хүнс, хөдөө аж ахуйн сайд Р.Бурмаа. Болгар. Электроникийн инженер.

Хөдөлмөрийн сайд С.Чинзориг. МУИС. Төлөвлөлт. Эдийн засагч.

Аж үйлдвэрийн сайд Д.Эрдэнэбат. ОХУ. Автын инженер.

Эрүүл мэнд, спортын сайд Г.Шийлэгдамба. “Цог” дээд сургууль. Аялал жуулчлалын менежер.

Уул уурхайн сайд Р.Жигжид. МУИС. Физикч.

Эрчим хүчний сайд Д.Зоригт. ОХУ. Инженер, эдийн засагч.

2015 оны наймдугаар сарын 6-ны өдөр МАН-ын сайдуудыг танхимаасаа хөөснөөр “ШИЙДЛИЙН” гэгдэх Засгийн газар шинээр “ШИВШГИЙН” гэх авах дөхөж, Ч.Сайханбилэг танхимаа дахин шинэчиллээ.

Ерөнхий сайд Ч.Сайханбилэг. ОХУ. Түүхийн багш

Шадар сайд Ц.Оюунбаатар. ОХУ.Хуульч.

ЗГХЭГ-ын дарга С.Баярцогт. ХБНГУ. Бизнесийн удирдлага.

Гадаад хэргийн сайд Л.Пүрэвсүрэн. ОХУ. Димломатч.

Сангийн сайд Б.Болор. Бельги. Эдийн засагч.

Хууль зүйн сайд Д.Дорлигжав. МУИС. Хуульч.

Байгаль орчин, ногоон хөгжил аялал жуулчлал Н.Батцэрэг. ОХУ. Инженер.

Батлан хамгаалахын сайд Ц.Цолмон. ОХУ.Цахилгааны инженер.

Боловсрол, шинжлэх ухааны сайд Л.Гантөмөр. Япон. Электроникийн инженер.

Барилга, хот байгуулалтын сайд З.Баянсэлэнгэ. АУДуС. Бага эмч.

Зам тээврийн сайд М.Зоригт. Чех. Инженер, эдийн засагч

ХАХНХ-ын сайд С.Эрдэнэ. ЦНДС. Команд штаб.

Хүнс, хөдөө аж ахуйн сайд Р.Бурмаа. Болгар. Электроникийн инженер.

Хөдөлмөрийн сайд Г.Баярсайхан. АУДС. Эмч

Аж үйлдвэрийн сайд Д.Эрдэнэбат. ОХУ. Автын инженер.

Эрүүл мэнд, спортын сайд Г.Шийлэгдамба. “Цог” дээд сургууль. Аялал жуулчлалын менежер.

Уул уурхайн сайд Р.Жигжид. МУИС. Физикч.

Эрчим хүчний сайд Д.Зоригт. ОХУ. Инженер эдийн засагч.

Энд анх төгссөн сургууль, улс орон, мэргэжлийг нь бичлээ. Бас хуучин нэрээр тусгав. Түүнээс биш хожим төгссөн гэх худлаа, үнэн нь мэдэгдэхгүй олон сургууль цол хэргэмийг энд дурдаагүй. Замбараагүй их юм байдаг учраас тэр.

Ингэхэд өнгөрсөн он жилүүдэд огцорсон Засгийн газруудын танхимыг харж байхад нээрээ л өмнөхөөсөө яая даа гэмээр нөхдүүд гараад ирдэг нь гэм биш зан. Заримыг нь харахаар хошин шогийн бас нэг хамтлаг гараад ирэв үү дээ гэж бодогдохоор байдаг шүү дээ. Тэгээд хамгийн гол нь нөгөө гайхлууд нь ширээн дээрээ очиж суугаагүй байхдаа л айхтар ажил төрөл, яам салбарын бодлого яриад унахыг нь яана гээч. Тэгсэн мөртөө хэсэг хугацааны дараа нэлээд мяраалчихсан байхыг л харахаас бус нойргүй хоноод нүд нь улайж, нүүр нь хавдсан нөхөр огтхон ч үзэгддэггүй юм. Харин энэ удаагийн энэ удаагийн гурван танхимыг харьцуулах эрхийг нь уншигчиддаа үлдээлээ. Та бүхний оюун ухаан өөр өөрийнхөөрөө тунгаана биз ээ.

Д.Гал