Сүүлийн үед улаанбурхан өвчний дэгдэлт эрс ихсэж ХӨСҮТ-ийн тасгууд ачааллаа дийлэхээ больж, нэг орон дээр 2 хүүхэд хэвтэн эмчлүүлж байна. Гэвч толгойгүй болсон Эрүүл мэндийн яам болон холбогдох байгууллагууд дорвитой арга хэмжээ авалгүй, анхаарахгүй байсаар газар авахад хүрч.

Эзэнгүй болсон эрүүл мэндийн салбарынханд, харийнханы өмнө хормойгоо тосдог нөхдүүдэд, төсвийн мөнгөөр тансагладаг дарга нарт, төрийн гурван өндөрлөгт дуулгах эмгэнэлт захидал байна. Энэ бол эгэл жирийн нэгэн эхийн бичсэн сэтгэлийн үг, гашуудлын нулимс. Аминаас тасалсан амь, биенээсээ тасалсан биеээ алдчихсан эхийн үгийг сонс.

Өнөөдөр SOS зарлах хэмжээнд хүрчихээд байхад Төрийн түшээд яагаад дуугарахгүй, арга хэмжээ авахгүй байна вэ. Өвөлжилт хүндрэхэд бүгд л өвс, тэжээл гэж өч төчнөөн сая төгрөгийн зардал гарган, Засгийн газар, Онцгой байдлынхан хуралдаж, анхааруулж, үхсэн малын тоог нэгд нэгэнгүй мэдээлдэг бус уу.

Гэтэл өнөөдөр Монгол ирээдүй болсон балчир үрс, эрдэнэт хүний амь эрсдэж байхад, нэг шөнийн дотор 2 хүүхэд хорвоог орхиж байхад яагаад ЭМЯ хуралдахгүй, Засгийн газар нөөц хөрөнгөнөөсөө ганц аппаратын мөнгө гаргачихгүй, БСШЯ сургууль, цэцэрлэгүүдэд анхааруулахгүй, хөл хорио тогтоохгүй байгаа юм бэ? Хүний амь үнэ цэнээ алдаж, малын амьнаас хямд болсон цөвүүн цаг гээч нь энэ юм уу!!!

Эзэнгүй болсон эрүүл мэндийн салбарынханд, харийнханы өмнө хормойгоо тосдог нөхдүүдэд, төсвийн мөнгөөр тансагладаг дарга нарт, төрийн гурван өндөрлөгт дуулгах эмгэнэлт захидал байна.

Энэ бол эгэл жирийн нэгэн эхийн бичсэн сэтгэлийн үг, гашуудлын нулимс. Аминаас тасалсан амь, биенээсээ тасалсан биеээ алдчихсан эхийн үгийг сонс.

"Өр зүрх өвдөж, эмтэрч, өөрийн эрхгүй нулимс гарлаа. Халдвар судлалын судлалын хүүхдийн сэхээний тасагт хамаатны маань дүүгийн гурван сартай хүүхэд КОР гэсэн оншоор хэвтээд хэд хонолоо. Ээж, аав ар гэрийнхнийг нь ч оруулахгүй болохоор гадаа нь бараг амьдрал өрнөж машиндаа хоноглож бүлтийтэл харах ээж аав нь үнэхээр өрөвдөлтэй.

Урд шөнө гэхэд хоёр хүүхэд нас барж, үүрээр нэг хүүхэд нас барсан байна. Үүрээр нас барсан хүүхдийн ээж аав нь амьдрал нь тийм ч сайн биш учраас хэдэн төгрөг наана цаана цуглуулж байж хотод ирээд эмнэлэгт хэвтсэн байна. Гэтэл ирээд удаа ч үгүй хүүхэд нь нас бархад буцаад хүүхдийнхээ шарилыг аваад нутаг буцах мөнгө ч үгүй учираа мэдэхгүй уйлсан хүмүүс байлаа. Тэнд машиндаа хоноглон бяцхан үрсдээ эдшэрэх найдлага тавьсан 10 гаруй гэр бүл машинаас машин дамжин хэдэн төгрөг цуглуулан өгхөд хөөрхий эцэг эх нь бяцхан үрийнхээ шарилыг тэврээд л нутаг буцсан.

Эмч сувилагч нар нь нэг л их ууртай хүмүүс эцэг эх ар гэрийнхэнд нь хүүхдийнх нь эмчилгээ болон биеийн байдлын талаар мэдээлэл огт өгөхгүй. Хүүхдээ хөхүүлэх гэж арай гэж орсон ээж хэлж байна:

- Гар нь битүү хавдар тарианы уян зүүг боогоод лентээр зад ороочиж, судас нь гадуур нь орсон гээд битүү хөх байна. Өвчин намдаах эмэндээ ярдаглаад, аманд нь гуурс хийх гэхэд жижигхээн гараараа эсэргүүцээд түлхэж байна. Хөөрхийдөө миний бяцхан үр ... Гээл уйлах ээжийг хараад нулимс хар аяндаа асгарлаа.

Аппарат нь хүрэлцэхгүй байгаа юмыг яахын гэх эмч сувилагчид буруу байгаа юу? Ядаж л биеийн байдалын талаар мэдээлэл өгчихмөөр юм!!!!!

Энэ улс төрийн шоу хийж элийрч байлайрч, идэж ууснаа нууж хааж, эрх ямбандаа алцаганаж суухад чинь ирээдүйн бяцхан үрс чинь үхэж байна.... Хоёр хүүхэд нас барахад гурав дахь хүүхдэд аппратанд орох эрх гарч ирж байна. Худлаа онош тавьж зүгээр байна гээд буцаадаг хорооны гэх тодотголтой эмч нар юугаа мэдэж ажилладаг байна. Ажлаа мэдэхгүй ийм малуудаас болж өвчин нь хүндэрсэн бяцхан зүрхнүүд нэг нэгээрээ зогссоор..." хэмээн бичжээ.