09:00 цагт Blue Sky-н 3 давхарт Монгол Улс дахь вируст хепатитын сэргийлэлт, оношилгоо эмчилгээнд зарцуулж байгаа санхүүжилт, цаашид санхүүжилтийг хэрхэн шийдвэрлэх арга зам, боломжийн талаар хэлэлцүүлэг өрнөнө.

10:30 цагт Үндэсний номын сангийн 2 давхрын Үнэт ховор номын музейн өрөөнд  УИХ-ын гишүүн Ц.Оюунгэрэл "Номын сангийн хууль"-ийн дагуу шинэ номоо хүлээлгэн өгнө.

11:40 цагт Төрийн ордны ёслол хүндэтгэлийн өргөө цогцолборт Сонгуулийн ерөнхий хорооноос Улс төрийн намуудад батламж гардуулна.

Монгол Ньюс мэдээллийн төвд

11:30 цагт Нэр бүхий УИХ-ын гишүүнтэй холбогдох асуудлаар хууль хяналтын байгууллагад хандаж шалгуулах талаар иргэн Б.Батбаяр хэвлэлийн бага хурал хийнэ.

12:00 цагт “Miss&Mister Deaf Mongolia” холбоо, Сонсголын бэрхшээлтэй иргэдийг дэмжих “Сэтгэлийн дэм” сан хамтран 2010 оноос хойш сонсголын бэрхшээлтэй охид бүсгүйчүүдийн “Miss Deaf Mongolia” уралдааныг уламжлал болгон зохион байгуулсаар иржээ. Энэ жилийн ялагчид АНУ-д болох “Miss&Mister Deaf International-2016”, БНЧУ-д болох “Miss &Mister Deaf World-2016” тэмцээнд оролцохоор бэлтгэж байгаа бөгөөд сүүлийн үед холбооны гишүүнчлэлийн эрхгүй, сайн дурын байгууллага, хувь хүмүүс тэмцээний нэрийг барьж иргэдийг төөрөгдүүлсэн үйл ажиллагаа явуулж байгаа талаар мэдээлэл хийнэ.

Зууны мэдээ сонины Үндэсний мэдээллийн төвд

11:30 цагт Зээлдэгчдийн холбооноос банкны зээлийн асуудлаар мэдээлэл хийнэ.

12:00 цагт Эрүүгийн хуулийн шинэчилсэн найруулгаар сэтгүүлч, эмч нар, компаниудад оногдуулах ял шийтгэл өндөр оруулсан учраас уг хуулийг хүчингүй болгуулахаар Үндсэн хуулийн цэцэд хандсан талаар хүний эрхийн хуульчид мэдээлэл хийнэ.

12:30 цагт “Иргэдийн шударга шүүх” ТББ-аас Х.Тэмүүжин хорлон сүйтгэх ажиллагаа явуулж байгааг баримттай дэлгэнэ.

17:00 цагт Улсын Филармонид Морин хуурын олон улсын наадам симпозиумын хэвлэлийн бага хурал болно.