Олон улсын сэтгүүлчдийн консорциумаас бэлтгэн гаргаж буй “Панамын материалууд” гэж нэрлэгдсэн  оффшор данстануудын мэдээллүүд шил дараалан дэлгэгдсээр байна. Тавдугаар сарын 9-нд зарлана гэгдсэн эл мэдээлэлд Монголын нууц хөрөнгөтөнүүд ил боллоо. 

Урд шөнө “offshoreleak.icij.org” албан ёсны цахим хуудсан дээр Монголын оффшорчидын мэдээлэл тавигдсан нь дуулиан тариад байна. Мөн Монголд төрж өссөн хэдий гадаадын харъяат болсон иргэдийн дунд оффшор данстанууд байгаагийн дотор Ерөнхий сайд асан С.Баярын охид байна. Тодруулбал, Баярын Бадамханд, Баярын Нандин нар аль хэдий оффшор данстай болсон нь ил боллоо.

Баярын Нандингийн хоёр ч дансанд Энрико Делла Каса /ENRICO DELLA CASA/ гэх итали нэртэй хүн хамтрагчаар бүртгүүлжээ. Энрико Делла Каса нь мөн л Америкийн иргэншилтэй юм байна. Мэдээллээс үзэхэд Баярын Нандин, Энрико Делла Каса Линнок Холдинг орпорациас хувь эзэмшдэг аж.

Харин Баярын Бадамхандын хувьд Багамын аралд байрлалтай Гоулд Уеллен Инк. /GOLD WELLEN INC/ компанийн нэр дээр дөрвөн ч данстай байна.

Дашрамд сонирхуулахад, УИХ-ын гишүүн Г.Уянга Ерөнхий сайд асан С.Баярын АНУ дахь долоон байшин гэх баримтыг өнгөрсөн хугацаанд ил болгосон. Түүний зүгээс Ерөнхий сайд асан С.Баярын АНУ-д бүртгэлтэй тансаг хауснуудын талаарх дэлгэрэнгүй баримт, судалгаатай 120 хуудас мэдээлэлтэй хамт цахим сүлжээнд цацсан юм. Уг баримт дотор С.Баярын анхны эхнэр О.Гэрэлтуяа, охин Б.Нандин, Б.Хонгор, Б.Бадамханд, шинэ найз бүсгүй Э.Сувд нарын нэр дээр бүртгэлтэй хаусуудын талаарх мэдээлэл багтаж байсан юм. Эдгээр байшингуудын үнэ нийлээд 24 тэрбум төгрөг бөгөөд бүгд гурван давхар, олон унтлагын өрөөтэй тансаг зэрэглэлийн байшингууд. Харин С.Баярын тухайд дээрх мэдээллийг үндэслэлгүй гүтгэлэг хэмээн тухайн үед няцааж байсан юм. Харин энэ удаа охидынхоо нэр дээр нээлгэсэн оффор дансны тухай ямар мэдэгдэл хийх бол!

Баярын Бадамхандын оффор дансны мэдээллийг дэлгэсэн эх сурвалжийг ЭНД дарж харна уу

Баярын Нандингийн оффор дансны мэдээллийг дэлгэсэн эх сурвалжийг ЭНД дарж харна уу