Монгол Улсын Ерөнхийлөгч, Зэвсэгт хүчний ерөнхий командлагчийн санаачилгаар Монгол Улсын Засгийн газраас “Оюутан цэрэг” хөтөлбөрийг тав дах жилдээ хэрэгжүүлж байна.

Батлан хамгаалах салбарын эрх зүйн шинэчлэлийн хүрээнд Монгол Улсын “Цэргийн албаны тухай” хуулийн 7.7 зүйлд зааснаар “Цэргийн алба хаах шинэ төрөл” болгон хуульчилснаар оюутан залуусыг их, дээд сургуульд суралцах хугацаандаа цэргийн алба хаах, Монгол Улсын Үндсэн хуулиар хүлээсэн “Эх орноо батлан хамгаалах” ариун үүргээ биелүүлэх боломжтой болсон.

Энэ хүрээнд Сүхбаатарын болон Байлдааны гавьяаны улаан тугийн одонт, жанжин Д.Сүхбаатарын нэрэмжит Үндэсний Батлан хамгаалахын их сургууль “Оюутан цэрэг” сургалтыг Шархад дах хээрийн сургалтын төвдөө гурав дах жилдээ бие даан хэрэгжүүлж байна. 

“Оюутан цэрэг” сургалт нь цэргийн 11 төрлийн бага мэргэжил эзэмшүүлэн, “Цэргийн тангараг” өргүүлдэг эрчимжүүлсэн вакум сургалт бөгөөд энэ сургалт нь нэг жилийн хугацаат цэргийн албаны сургалт, бэлтгэлийг дөрвөн сарын хугацаанд багтааснаар цэргийн алба хаах зардал 4 дахин хямд тусч байгааг тус албаныхан онцолж байна.

Энэ оны “Оюутан цэрэг” сургалтад Монгол Улсын хэмжээнд нийт 1000 орчим оюутан хамрагдсанаас Улаанбаатар хотын 51 их дээд сургуулийн 650 оюутан залуус Үндэсний Батлан хамгаалахын их сургуулийн Шархад дах Хээрийн сургалтын төвд суралцаж, энэ сарын 16-нд “Цэргийн тангараг”-аа өргөх аж.

Б.Лхам