Улаанбаатар-Сайншандын чиглэлийн галт тэрэг замаас гарсан ноцтой осол өнөө өглөө 7.30 цагийн үед гарлаа. Дорноговийн Айраг сумын орчим болсон уг ослоор нэг зүтгүүр, хоёр тэвш, гурван суудлын вагон замаас гараад байгаа юм. Өчигдөр оройноос үргэлжлэн орсон их борооны улмаас төмөр замын суурь бүтэц усанд автсанаас уг осол гарчээ. Бороо одоо ч үргэлжлэн орж байгаа бөгөөд осол болсон газар гамшгийн байдал үргэлжилж байна.
Осолд өртсөн зорчигчдыг эмнэлгийн үзлэгт хамруулаад байгаа юм байна. Харин өнөөдрийн Улаанбаатар-Сайншанд-Улаанбаатар чиглэлд зорчих тасалбар авсан зорчигчдыг дараагийн өртөө хүртэл автобусаар зөөж богино рэйс хийж байгаа ажээ. Зам тээвэр, хөгжлийн сайд Ж.Бат-Эрдэнээр ахлуулсан ажлын хэсэг ослын газрыг зорьсон бол Зам тээврийн хөгжлийн дэд сайд Б.Цогтгэрэл, Төрийн нарийн бичгийн дарга Ж.Бат-Эрдэнэ нар Төмөр замын удирдах газарт ажиллаж байгаа ажээ. Ус цаг, уур орчны шинжилгээний газрын мэдээлснээр Дорноговийн Айраг орчимд бороо өнөөдөр ч үргэлжлэн орох юм байна.
С.Нацаг
Сэтгэгдэл (17)