Нийслэлийн МАН-ын 34 дүгээр Бага хурал болж даргаараа Д.Сумъяабазарыг сонголоо. Хуралд 369 төлөөлөгч оролцохоор байсны 339 нь оролцож 331 хүчинтэй санал тоологдов. Эдгээр төлөөлөгчийн 80 нь квотоор орж иржээ. МАН-ын Удирдах зөвлөлийн хурлаар Нийслэлийн Засаг дарга намын дарга байх ёстой, ингэж байж сонгуулийн мөрийн хөтөлбөрийг хэрэгжүүлэх боломжтой гэж үзсэн. Тиймээс Удирдах зөвлөлийн хурлаас С.Батболдын нэрийг дэвшүүлсэн юм. Бага хурлын гишүүд үүр цайтал хуралдав. Заалнаас УУХҮ-ийн сайд Д.Сумъяабазар нэр дэвшлээ. Санал хураалт шөнийн 03.00 цаг орчмын үед эхэлж, цаг гаруй үргэлжилсэн юм.Саналыг 10 хүн гараар тоолж дүнг нэгтгэхэд нэр дэвшигч С.Батболд 49.6, Д.Сумъяабазар 50.4 хувийн санал авч, нийслэлийн намын хороог удирдахаар болж байна.
Сэтгэгдэл (20)