Нийтийн тээврийн салбарын зардал, түлшний үнэ нэмэгдэж байгаа талаар Нийслэлийн удирдлагуудад удаа дараа хүсэлт тавьжээ.
2018 оны 11 дүгээр сараас эхлэн дизель түлшний үнэ огцом өсч 2390 болоод байгаа билээ. Улмаар үнэд өөрчлөлт орсноор нэг машин цагийн зардал 39736 төгрөг болж байгаа юм. Гэтэл 30672 төгрөгийн санхүүжилт аваад нийтийн тээврийн үйлчилгээг хэвийн явуулах боломжгүй болж байна. Тиймээс түлшний үнийн зөрүү алдагдал болох 5.1 тэрбум төгрөгийн асуудлыг шийдвэрлэж өгөхийг шаардлаа.
Мөн 2019 оны төсвийг батлахдаа дизель түлшний үнийг нэмж тооцохыг Нийслэлийн удирдлагад санал болгожээ.
Тэд хэвлэлийн бага хурлын үеэр “Ямартай ч энэ асуудлыг ирэх он гарахаас өмнө шийдэж өгнө үү. Тэгэхгүй бол автобус компаниуд алдагдалд орж, зогсох нөхцөл байдал үүсээд байна. Энэ асуудлыг яаралтай нэн даруй шийдэх шаардлагатай. Ямартай ч бид зогсолтод орох хүртлээ нийтийн тээврийн үйлчилгээг явуулах болно” гэсэн юм.
Хэрвээ төрөөс энэ асуудлыг шийдэж өгөхгүй бол нийтийн тээврийн хэрэгсэл, тэр дундаа автобус үнээ нэмж магадгүй байна.
Л.Сайнаа
Сэтгэгдэл (21)