Ерөнхий сайдыг огцруулах асуудалтай холбоотойгоор Арчилсан нам УИХ-ын гишүүн Ж.Батзандан, Л.Болд, Д.Мурат нарт улс төрийн хариуцлага тооцсон. Энэ шийдвэрийн дараахан Л.Болд гишүүн АН-ын бүлгээс гарна харин намаас гарахгүй хэмээн мэдэгдсэн билээ.
Үүнтэй холбогдуулж АН-ын дарга С.Эрдэнээс тодруулахад тэрбээр “АН-ын гишүүний хувьд УИХ-д нэр дэвшиж сонгогдсон. Хэрвээ АН-ын бүлгээс гарах гэж байгаа бол намаас гарч таарна. Тэгэхээр намын гишүүнээс гарах өргөдлөө өгөх юм бол УИХ дахь АН-ын бүлэг байх эсэх асуудлыг тавьж болно. АН-ын гишүүнээс гарах өргөдлөө өгөөгүй тохиолдолд бүлгийн тухай асуудал байхгүй. Хууль дүрэм нь ийм юм” хэмээн ярьсан юм.
Мөн тэрбээр “Бидэнд үнэт зүйл гэдэг хамгийн эрхэм чухал зүйл. Энэ нам чинь их хурлаар энэ намын 200 гаруй мянган гишүүн өнөөдөр АН-ын үндсэн дүрмийг хэлэлцэж баталсан. 30 жилийн түүхэнд АН үндсэн дүрмээ олон удаа өөрчилж байсан гэхдээ яаж ч өөрчилсөн үндсэн дүрмээ дагаж мөрдөхийг шаардаж ирсэн. Тиймээс өнөөдөр Ж.Батзанданг С.Эрдэнэ гэдэг хүн хөөж намаас хасаагүй байхгүй юу. Дүрмийн заалтын дагуу тэр хүнийг хасах эрх зүйн орчинг бүрдүүлсэн. Би өнөөдөр дүрмийн дагуу шийдвэр гаргасан. Дүрмийг мөрдүүлэх нь миний үүрэг, харин хувь хүний хувьд Ж.Батзандантай ямар нэгэн асуудал байхгүй” гэв.
Р.Хишигжаргал
Сэтгэгдэл (5)