УИХ-ын гишүүн М.Оюунчимэгээс цаг үеийн асуудлаар тодрууллаа.
-УИХ-ын гишүүн М.Оюунчимэг өөрийн ХОМ-доо бүртгүүлсэн ААН-ийн хөрөнгийг барьцаалж хамаарал бүхий этгээдээр дамжиж зээл авсан. Бест авто тюнинг ХХК-ийн санхүүжилт 500 сая төгрөг ЖДҮХС-аас ороод захирал Мянгмарцэрэн нь 350 саяын өөрийн харилцах Хаан банкны дансандаа авсан. Тэр дансаараа 2018 оны есдүгээр сарын 20-ны өдөр гишүүн М.Оюунчимэгийн нөхөр Баярсайханы Голомт банкны харилцах данс руу 150 сая төгрөгийг шилжүүлсэн” гэсэн ийм мэдээлэл байна. Та энд тайлбар өгөхгүй юу?
-Үүнийг би шүүхэд өгөх гэж байгаа. Учир нь миний ХОМ-ийн мэдүүлэг дээр ганцхан компани байдаг. Гэхдээ энэ компани миний нөхрийн эрхэлдэг компани. Нөхөр маань Ленинград хотод сургууль төгсөж ирээд бизнес эрхэлсэн. Бизнес эрхлэхдээ унаж, босч, капитал банкны 24 хувийн хүүтэй зээл аваад зээлийн хүүд шатаж шүүх дээр дуудагдаж байсан. Миний ХОМ-д байгаа ямар ч компани ЖДҮДС-аас зээл аваагүй. Намайг гүтгэж миний нэрийг сэвтүүлэх юм хийгээд байна. Чанга дуугарч, зарим зүйлд шаардлага тавьж байгаа болохоор ямар нэг зүйлтэй холбочих гэсэн зүйл их явж байна.
Ямар сайт, ямар пэйж дээр ийм мэдээлэл явсан нь тодорхойгүй, устчихаад байгаа гэсэн. Манай нөхөр өндөр хүүтэй зээл арилжааны банкны дансыг хүртэл ил тавьсан байна гэсэн би үзээгүй. Энд хувь хүний нууцыг задруулсан банк хүртэл асуудалтай. Энэ асуудлуудыг шүүх, цагдаагаар шалгуулна. Би өөрөө ЖДҮДС-аас нэг ч төгрөгийн зээл аваагүй. Үүнээс гадна нэг зүйл нэмж хэлэхэд манай Ганбаатар гишүүн бид хоёрын ЖДҮЭ-дийн хэд хэдэн удаагийн уулзалтад очиход “Энэ зээл эзэндээ очихгүй байна. Та эдийн засгийн сэтгүүлч байхдаа ЖДҮЭ-дээ очихгүй том компаниудад очоод байна гэдгийг хөндөж гаргаж ирсэн. Та бидэнд туслаач” хэмээн Даваабаяр гуайгаар ахлуулсан ЖДҮЭ нар надад хэлж байсан. Мөн Өргөдлийн байнгын хороонд хэд хэдэн байгууллага төслөө аваад ирсэн. “Бид ийм мундаг зүйл хийсэн. ЖДҮДС бидний асуудлыг авч үзэхгүй байх шиг байна. Та хэлээд, дэмжээд өгөөч” гэж 5, 6 компани орж ирсэн. Би тэр хүмүүст хууль дүрмийн дагуу ЖДҮДС-д аваачиж өг. Шилэн байх ёстой учраас би шаардлага тавья хэмээн буцаасан. Тухайн үед Б.Батзориг сайдад байнгын хорооны хурал, ЖДҮ-ийн ажлын хэсгийн хурал дээр жинхэнэ эздэд нь өгөхгүй бол асуудлыг чинь хөндөж гаргаж тавина шүү гэж хэлж байсан.
Энд ЖДҮДС-аар далимдуулж том луйврыг хаах гэсэн зүйл яваад байна. Нөгөө талаасаа жинхэнэ ЖДҮЭ-чид энэ зээлийг авсан хүмүүсийг үүгээр далимдуулж хэлмэгдүүлж болохгүй шүү.
-Л.Энх-Амгалан гишүүний нэрлэсэн зургаан хүний дотор таны нэр байсан?
-Л.Энх-Амгалан гишүүнийг би их гайхаж байгаа. Харин өөрөө өөрийнхөө бланкинд “Энэ компани, энэ хүмүүст зээл олго” гэж бичсэн байсан гэсэн. Би тэр бланкад бичигдээгүй. Яаж ийгээд бор зүрхээрээ ажил хийж байгаа миний нөхрийг ч юм уу жинхэнэ ЖДҮЭ-чдийг хэлмэгдүүлж болохгүй байх.
-Л.Энх-Амгалан гишүүний нэрлэсэн зургаан хүний дотор таны нэр байсан?
-Үүнийг хэвлэл мэдээллээс харсан гэж өөрөө сүүлд хэлж байна лээ. АТГ-ын мэдэгдлийг Л.Энх-Амгалан хийдэг болсон юм уу. Л.Энх-Амгалан дэд даргын тухай ярихад тусгай хамгаалалттай газрын асуудлыг Өргөдлийн байнгын хорооны хурлаар оруулж Хөвсгөл аймагт хэрэгжсэн 00-ийн асуудал, үүнээс гадна Хөвсгөлийн эргэн тойрны тусгай хамгаалалттай газар аялал жуулчлалын чиглэлээр хууль бус янз бүрийн асуудал гарч байгаа юм байна лээ. Манай байнгын хорооны хурлаар энэ асуудлыг хэлэлцэх болсон чинь даргын зөвлөлийн хурлаар Өргөдлийн байнгын хорооны хурлыг хойшлуулсан байсан. Гэсэн ч бид хурлаа өнгөрсөн жил хийсэн.
Р.Хишигжаргал
Сэтгэгдэл (9)