УИХ-ын гишүүн Д.Муратаас цаг үеийн асуудлаар тодрууллаа.
-Намын шийдвэрийн эсрэг кноп дарсан хэмээн АН үзэж Ж.Батзандан, Л.Болд гишүүн та гуравт улс төрийн хариуцлага тооцсон. Л.Болд гишүүний хувьд бүлгээсээ гарах шийдвэр гаргасан та бүлгээсээ гарах уу?
-Би бүлгээсээ гарах талаар огт юм яриагүй шүү дээ. Тухайн үед шийдвэр гаргасан байна лээ. Үнэндээ ард түмэн У.Хүрэлсүхийг дэмжихгүй байсан. Би сонин ярилцлага өгсөн шүү дээ. Нэг аймгийн дулааныг удирдаж байсны хувьд өвөл яаж давах вэ, ямар үе шат байдгийг мэднэ шүү дээ. Дээр манай улсад юу дутаж байна гэхээр шударга ёс, эв нэгдэл дутаж байна шүү дээ. Цөөхөн Монголчуудад маань эв нэгдэл муу байдаг юм байна. Би тангараг өргөхдөө эв нэгдэл, шударга ёсны төлөө өөрийн шийдвэрээ гаргасан.
-Та АН-ын нэрээр УИХ-ын гишүүн болсон. Тиймээс намын шийдвэрээ дагах ёстой байсан гэж АН-ын удирдлагууд үзсэн?
-тухайн үед тийм байсан байх. Одоо эсрэгээрээ эргэж байгаа юм биш үү. Ард түмэн хэнийг дэмжиж байна би тэр талд байгаа.
-Таныг бусдын биед хөнгөн гэмтэл учруулсан гэдэг асуудлаар шүүх дээр явж байгаа. Үүнээс үүдэж намын шийдвэрийн эсрэг кноп дарж, наймаалцсан гэж зарим УИХ-ын гишүүд ярьж байна?
-Тэр худлаа. Шүүхээр анхан шатны шийдвэрээр цагаатгасан. Давж заалдах үе шатанд цагаатгасан. Бүх шат дарааллаар шүүхээс цагаатгасан байгаа шүү дээ. Би ярьж байсан шүү дээ. Эхнээсээ гүтгэлэг, улс төр байсан гэдгийг ард түмэн мэдэж байгаа.
-Та 2020 онд нэр дэвших үү?
-Дэвшилгүй яах вэ дэвшинэ. Над шиг бүтээн байгуулалт хийж байгаа хүн манай аймагт байхгүй. Дэвшихгүй гээд байхад ард түмэн намайг заавал дэвш гээд байна шүү дээ.
-АН таныг намын нэр дээрээ дэвшүүлэхгүй гэдэг шийдвэрээ гаргасан шүү дээ?
-Дөрвөн өдөр, дөрвөн сар, дөрвөн жил байж болно гэсэн шийдвэр юм. Би намаас явна гэж хэлээгүй цаг үеийн байдлаар болно. Ганцаараа одоо шийдэх асуудал биш. гишүүдийн олонх нь гарын үсэг зурж өгөхөд би мөн зураад өгсөн. Ард түмэн дэмжиж байгаа. Би ард түмний талд байгаа шүү дээ.
-УИХ-ын чуулганы хуралдаанд та яагаад суухгүй байгаа шүү дээ?
-Би сая хэлсэн шүү дээ. Ихэнх нь буюу 40 гишүүн байгаа тэр дунд би байгаа.
-Цаашид та УИХ-ын чуулганд суухгүй юм уу?
-Суухгүй.
-УИХ-ын даргыг огцруулах нь хууль бус шийдвэр гээд байна шүү дээ?
-Тэрийг би ганцаараа шийдэх асуудал биш.
Р.Хишигжаргал
Сэтгэгдэл (65)