УИХ-ын гишүүн Л.Болд, Ж.Батзандан, Л.Оюун-Эрдэнэ нарын гишүүд Иргэний нийгмийн 50 гаруй гишүүдийн төлөөлөлтэй хамтран "МАНАН бүлэглэлийн эсрэг" хэлэлцүүлэг хийж байна.
Уг хэлэлцүүлгээр МАНАН бүтэцтэй бүлэглэл дэлхийн ямар ямар улсад үүсч байсан хийгээд үүний хор холбогдлын талаар хэлэлцэж буй аж. Энэ талаар УИХ-ын гишүүн Л.Оюун-Эрдэнэ "Нэгэнтээ парламентийн 40 гишүүн гарын үсэг зурчихаад байхад төрийн ажил нэг хүнээс болж гацаж байна. Үүнээс хойш бид зөвхөн ордон дотор биш ордны гадна гарч иргэдтэйгээ хамт тэмцэх сонголт бий болж байна.
Ийм нөхцөл байдал үүсгэлгүй ажлаа өгөхийг хүсч байна. Энэ байдал цааш үргэлжилбэл эх орондоо ч амьдрах хэцүү болно. Ийм зүйл болж байсан түүх бий. Энэ хүнийг чөлөөлж явуулаач ээ, олон жил энэ хүнээс зүүгдэж, шимж амьдарсан тэр хүмүүс эрх чөлөөг өгөөч. Маргааш манай намын бага хурал болно. Бага хуралд өнөөдрийн хэлэлцүүлгээс гарсан үр дүн, саналыг танилцуулна. Улс төрд ёс зүй хамгийн чухал байдаг. Парламентийн 75 гишүүний 40 нь огцруулах гарын үсэг зураад 42 нь хуралдаа суухгүй гэдгээ мэдэгдсэн байгаа. Гэтэл би хуулийн дагуу байна гэж хэлэх ямар хэрэгтэй юм бэ. Яаж төлөөллийн мандаттай гишүүдэд бүдүүлгээр хандаж чадаж байна" гэв. Хэлэлцүүлэг үргэлжилж байна.
Б.Лхам
Сэтгэгдэл (77)