МАН-ын бага хурал тусгаар тогтнолын ордонд болж байна. Тус ордон руу хэвлэл мэдээллийн байгууллага болоод намын бага хурлын гишүүдээс бусад ажилчдыг дотогш орохыг хориглож байна. Уг ордныг 200 орчим боксын тамирчид хамгаалж байгаа аж. Тодруулбал УИХ-ын гишүүн А.УНДРАА "Би гайхаж байна. Би олон удаа намын бага хуралд оролцож байсан. Хэзээ ч ийм өндөр хамгаалалтад явагдаж байгаагүй. Хурлын танхимаас энэ хүртэл хоёр янзын хамгаалалтын компанийн хүмүүстэй тааралдлаа. Хэн эдгээр хүнтэй гэрээ хийсэн, яагаад ийм өндөр хамгаалалттай байгаа юм. 200 орчим боксын тамирчдыг авчирсан гэж сонслоо. Хэнийг хэнтэй нь тэмцэлүүлэх гэж байгаа юм. Энэ байдал түгшүүртэй байна. Хяналтын хороо хэсэг хугацааны өмнө хэд хэдэн гишүүнийг намын гишүүнээс хасах талаар хуралдсан. Гэхдээ өнөөдөр тийм зүйл ярьсангүй" хэмээн ярьсан юм. 

"УИХ-ын даргыг өөрийн хүсэлтээр УИХ-ын даргын үүрэгт ажлаа өг гэдэг асуудлаар санал хураалт явуулах" гэж байна. Намын бага хурлын гишүүний хувьд ч УИХ-ын гишүүний хувьд ч тэр энэ асуудлыг хууль зөрчсөн үйлдэл гэж харж байна. УМХ-ын даргын асуудлыг УИХ-аар шийддэг намын бага хурлаар шийддэггүй. Намын бага хуроын гишүүдийг хууль зөрчсөн үйлдэл рүү турхирч болохгүй гэдэг байр сууриа илэрхийлээд л  гарч ирлээ.

Р.Хишигжаргал