УИХ-ын гишүүн Ж.Мөнхбат цаг үеийн асуудлаар сэтгүүлчдэд мэдээлэл өглөө. Тэрбээр “Л.Болд гишүүний яриаг би харсан. УИХ-ын даргыг огцруулах жагсаал болж байна. Үүнтэй холбоотой Ерөнхийлөгч хууль санаачилж өргөн барьсан. Үүнийг Төрийн байгуулалтын байнгын хорооны өчигдрийн хурлаар 100 хувь дэмжсэн. Энэ хууль батлагдвал хуулийн дагуу асуудлыг шийдвэрлэнэ.
Ерөнхийлөгчийн өргөн барьсан хуулийн төслийг дэмжихээ М.Энхболд дарга илэрхийлсэн. Саяын жагсаалаар М.Энхболд даргыг огцруулахыг шаардсан. Н.Номтойбаяр бид хоёрыг жагсаалын эсрэг янз бүрийн зүйл зохион байгуулж, янз бүрийн юм үүсгэх гэж байгаа гэсэн. Тийм зүйл байхгүй. Би сая бүлгийн хурал дээр зарчмын юм хэлсэн. Ерөнхий прокуророос дөрвөн гишүүний бүрэн эрхийг түдгэлзүүлэх асуудлаар Халдашгүй байдлын дэд хороо хуралдлаа. Дэд хороонд парламентад таван удаа суусан сайд ах нар маань байдаг.
Гурван сайд нэг сайд болох гэж горилж байгаа хүний санал санаачлагаар энэ асуудал хойшилж байгаа юм байна гэж ойлгож байгаа. Би үүнийг шүүмжилсэн. УИХ-ын 20 гаруй гишүүд ЖДҮ-ийн асуудлыг ярьж, Засгийн газрыг унагах асуудлыг хөндөж байсныг та бүгд мэдэж байгаа. ЖДҮ-ийн асуудал бол Монголын төрд бугшсан том эмгэнэл. Тиймээс энэ асуудлыг иймэрхүү байдлаар хаахыг буруу хэмээн бодож байна. Иймээс байнгын хорооны хурал, УИХ-ын чуулганы танхимд УИХ-ын 20 гаруй гишүүд байр сууриа илэрхийлээд явна.
Нэг талаасаа ярьдаг үнэн гэж байхгүй. Өнгөрсөн зун, намраас эхлээд нэг хэсгийг 60 тэрбумынхан нөгөө хэсгийгээ хулгайч, олигарх, 30 гэр бүл гэж цоллолоо. Яг өнөөдөр бодитой байгаа баримт, гүйлгээ бүх юм нь батлагдсан ЖДҮ-ийн асуудалд Монголын төр тэр дундаа МАН хөнгөн хуумгай хандаж болохгүй байх гэсэн зарчмын хатуу байр суурийг би илэрхийлсэн. Би сая "Өнөөдөр энэ асуудал яригдаж байна. Удахгүй ирэх хавар ЖДҮ-ийн асуудлаар ард түмэн жагсвал яах вэ. Ард түмний нийгмийн бухимдалд юу гэж хариулах юм бэ гэдгийг бүлгийн хурал дээр хэллээ. Үүнийг Ж.Мөнхбат жагсаал зохион байгуулах нь гэж харсан бол өрөөсгөл.
Туйлын сохор байна. Тэртэй тэргүй өнөөдөр Монголд ажлын байр бий болгож байгаа нийт хүмүүсийн 3.2 нь хувийг хэвшил байгаа. Үүний 80 хувь нь ЖДҮ эрхлэгчид. Энэ 80 хувийнхний бухимдал гомдлыг эрх барьж буй МАН, Монголын төр гишгээд цаашаа алхаж болохгүй. Би үүнийг бүлгийн хуралд илэрхийлж, санал хураалтад оролцолгүй картаа сугалсан. Өнөөдрийн жагсаал цуглааны эсрэг хураагаа хөдөлгөсөн, хувь нэмрээ оруулсан дэмжсэн, эсэргүүцсэн ямар ч зүйл байхгүй. Жагсаал болдогоороо болоод өнгөрсөн. Би сөрөг хүчний дарга намын ерөнхий дарга байхдаа МАН-ыг гудамжинд 26 суудалтай байхад Сүхбаатарын талбайд өчнөөн олон жагсаал, цуглаан хийсэн. Гэр ч барьж, дээлээ ч тайлж, хар машин шатааж байсан. Тиймээс өнөөдрийн байр суурьнаас хэлэхэд ямар нэгэн жагсаал цуглааныг Н.Номтойбаяр гишүүн бид хоёр зохион байгуулаагүй. Зохион байгуулахгүй. Харин цаашид хууль зөрчсөн ийм асуудал хөндөгдөх юм бол үнэний талд дуугарна" гэв.
Б.Лхам
Сэтгэгдэл (16)