АНУ-д Н-2 визээр Монгол ажилчдыг зуучлан явуулдаг “ADIS” нийгмийн хөгжлийн төвөөс өнөөдөр мэдээлэл хийлээ.
Монгол Улс АНУ-аас Н-2A, H-2B буюу түр ажил эрхлэх визний ангиллыг хамааруулах улс орны жагсаалтад багтжээ. Энэ талаар “ADIS” нийгмийн хөгжлийн төвийн захирал А.Батсайхан “H2-A виз нь АНУ-ын хөдөө аж ахуйн салбарт ажиллах хүч дутагдалтай үед гадаадын иргэдэд олгодог түр хугацаангаар ажиллах зөвшөөрөл юм байна. Харин H-2B виз нь хөдөө аж ахуйгаас бусад салбарт түр хугацааны эсвэл улирлын чанартай ажил гүйцэтгэхээр АНУ-д зорчих гэж буй хүмүүст олгодог зөвшөөрөл юм” гэв.
Мөн Монгол малчдын мал аж ахуйн салбарт мэргэшсэн мэдлэг, туршлага давуу талтай байдаг учраас АНУ-ын фермерүүд малчдыг ажилд авах ихээхэн сонирхолтой байдаг байна. Одоогоор Монгол Улсаас арав гаруй хүн АНУ-ын мал аж ахуйн фермүүдэд ажиллаж байгаа бөгөөд гэрээгээ гурван жилээр сунгаад явах боложмтой аж. Түүнчлэн ажил олгогч талаас байр, хоолны зардлыг бүрэн хариуцдаг бөгөөд сард дөрвөөс таван сая төгрөгийн цалин авдаг юм байна.
Харин зуучлалын зардлын талаар “ADIS” нийгмийн хөгжлийн төвийн гадаад харилцаа хариуцсан захирал Т.Мөнхгал “АНУ-руу хөдөлмөр эрхлэхээр явах хүмүүсээс төлбөрийн хураамж авдаггүй. Харин Элчин сайдын яаманд визний цаг захиалах болон онгоцны зардлыг өөрөөсөө эхлээд гаргана. АНУ-д ажилд орсныхоо дараа тэр мөнгө нь буцааж олгогддог. Харин тухайн визэнд орох сонирхолтой хүмүүс эхлээд ажлын ярилцлагад орж, англи хэлний анхан шатны мэдлэгтэй гэдгээ харуулсан бичлэгээ АНУ-ын зуучлагч компаниуд руу явуулах юм” хэмээн тайлбарлалаа.
С.Нацаг
Сэтгэгдэл (12)