Өнгөрсөн долоо хоногийн баасан гаригт автобус шатсан хэрэг гарсан билээ. Энэ тараар нийслэлийн Тээврийн газрын дарга Д.Отгонбаатартай утсаар холбогдож, дараах асуултад хариулт авлаа.
-Өнгөрсөн баасан гаригт автобус шатсан хэрэг гарсан. Үүнтэй холбогдуулан танайхаас хяналт шалгалт хийх үү?
-Мэргэжлийн байгууллагын дүгнэлтийг харж байгаад ямар арга хэмжээ авахаа шийднэ.
-Мэргэжлийн байгууллага гэдэг нь нийслэлийн Онцгой байдлын газрыг хэлж байна уу?
-Тийм. Эндээс гарсан галын дүгнэлтийн дагуу үзлэг шалгалт, галын сургалт хийнэ.
-Онцгой байдалтай та өөрөө холбогдсон уу?
-Баянзүрх дүүргийн Онцгойтой холбогдсон. Дүгнэлт 14 хоногийн дотор гарна гэсэн.
-Миний авсан мэдээллээр онцгойгийнхон гал унтраагаад явсан гэсэн. Галын үзлэг хийх гэхэд тэнд байсан хүмүүс нь шаардлагагүй гэж татгалзсан гэсэн.
-Энэ асуудлыг сайн мэдэхгүй байна. Чиг үүргийнхээ дагуу ажлаа хийх хэрэгтэй.
-Өнгөрсөн жил Тээврийн прокурор, Тээврийн цагдаатай хамтарч нийтийн тээвэрт шалгалт хийхэд маш олон зөрчил илэрсэн байна лээ. Наандаж, насжилт өндөртэйгээс гадна олон автобусны техникийн бүрэн бүтэн байдал шаардлага хангаагүй гэсэн. Тиймээс танайд зөвлөмж хүргүүүлсэн гэсэн. Зөвлөмжийн дагуу шаардлагатай арга хэмжээ авсан уу?
-Зөвлөмж мөрдөгдөж байгаа. Шалгалтын байцаагч шалгалтаа тогтмол хийдэг.
-Дээрх шалгалтаар маш олон автобусыг үйлчилгээнд явуулахыг хориглосон байсан. Акталсан уу. Эсвэл үйлчилгээнд ашиглаж байгаа юу?
-Сайн ойлгохгүй байна.
-Насжилт өндөрт автобус олон байна гэсэн байна лээ?
-Нийтийн тээвэрт насжилт өндөртэй нэг ч автобус байхгүй. Арванхоёрдугаар сарын 31-нээр насжилт дуусангуут тасалбар болгодог.
-Насжил өндөртэй нэг ч автобус үйлчилгээнд ашигладаггүй гэсэн үг үү?
-Монгол улсын стандартаар 12 жилээс хэтэрсэн автобус ашигладаггүй.
-Тээврийн цагдаагийн албаны дарга техникийн бүрэн бүтэн байдал учир дутагдалтай учир автобуснууд зам дээр зогсох, хөлдөх асуудал цөөнгүй гарч, автозамын хөдөлгөөнд саад учруулж байна гэсэн.
-Явуулын оношлогоогоо тогтмол хийж байгаа. Тээврийн хэрэгсэл саатсан үед тухай бүрт нь бидэнд мэдэгддэг.
Г.Нацаг
Сэтгэгдэл (9)