Нийслэлийн ИТХ-ын тэргүүлэгчид өчигдөр хуралдлаа. Хуралдаанаар тусгай замын автобус болон шагнал урамшуулал, зам талбайн асуудлаар хэлэлцжээ.

Тодруулбал, нийслэлийн гол гудамж, замд их багтаамжийн автобусаар зорчигчдыг тав тухтай, аюулгүй, түргэн шуурхай зорчих нөхцөлийг бүрдүүлэхээр тусгай замын автобусыг үйлчилгээнд явуулахаар ажиллаж буй. Энэ нь хувийн тээврийн хэрэгслийн хэрэглээг бууруулах, түгжрэлийг багасгах, агаарын бохирдлыг бууруулах, хөрөнгө оруулалтын хүртээмжийг жигд хуваарилах зорилготой юм.

Тус төслийг хэрэгжүүлэх нэгжийг 2017 оны тавдугаар сард байгуулсан ч төслийн баг хоёр жил ажил хийгээгүй хэрнээ цалин авсан гэх шүүмжлэл дагуулаад байна. Тиймээс нэгжийн ажилчдын гэрээг гурван сараар сунгах асуудал яригдаж байна.

Түүнчлэн Монгол Улсын Засгийн газрын 2016 оны 202 дугаар тогтоолоор сар шинийн баярыг тохиолдуулан жил бүр хөдөө аж ахуйн салбарт олон жил үр бүтээлтэй ажилласан фермер эрхлэгчид, тариаланчдыг НИТХ-ын Тэргүүлэгчдийн  2009 оны 183,  2014 оны 221 дүгээр журмын дагуу шагнаж, урамшуулдаг. Энэ хүрээнд Тэргүүлэгчдийн хуралдаанаар “Нийслэлийн тэргүүний фермер”, “Нийслэлийн тэргүүний тариаланч”-ийн шалгуур үзүүлэлтийг хангасан есөн фермер, хоёр тариаланчийг урамшуулахаар болсон байна.   

Мөн авто зам ашигласны төлбөрийн хэмжээнд өөрчлөлт оруулах асуудлыг дараагийн хурлаар хэлэлцэхээр тогтжээ.

нийтийн цагдаа нарыг ажиллуул эхэлсэн. Үр дүнд нь хөдөлгөөний ачаалал буурч, Энхтайваны өргөн чөлөөгөөр зорчиж буй автобусны хурд нэмэгджээ.