Цагдаагий ерөнхий газрын Мөрдөн байцаах албанаас тус газрын үйл ажиллгааны талаар мэдээлэл өглөө.
Тодруулбал, өнгөрсөн онд гэмт хэгийн шинжтэй 23597 гомдол мэдээлэл хүлээн авч, шалгажээ. Үүнээс 15443 гомдол мэдээлэлд хэрэг бүртгэлийн хэрэг нээж, 7810-ыг хаах саналтай прокурорын газарт шилжүүлж, 206-г харьяаллын дагуу шалгаж, шийдвэрлүүлжээ. Нийт шалгалсан гомдол мэдээллийн 99.8 хувийг хуулийн анхны хугацаанд шийдвэрлэсэн байна. Мөн онд 20722 хэрэг бүртгэлийн хэргийг шалгаснаас 9448 хэргийг эрүүгийн хэргийн яллагдагчаар татсан байна.
Гэмт хэргийн улмаас иргэн, хуулийн этгээдэд учирсан 488.7 тэрбум төгрөгийн хохирлын 212.2 тэрбум төгрөгийг нөхөн төлүүлжээ. Харин энэ оны эхний хоёр сарын байдлаар гэмт хэргийн шинжтэй 4069 гомдол мэдээлэл хүлээн авч шалгаснаас 3087 гомдол мэдээллийг шийдвэрлэжээ. Хэрэг бүртгэлийн 8084 хэргийн хүлээн авч 1938 хэрэгт эрүүгийн хэрэг үүсгэжээ.
Мөн хүнийг алах гэмт хэрэг өнгөрсөн онд 192 тохиолдол бүртгэгдсэн бөгөөд энэ нь 1.6 хувиар өссөн бол залилах гэмт хэрэг 5712 хэрэг бүртгэгдсэн нь өмнөх оны мөн үеэс 79.3 хувиар өссөн үзүүлэлт аж.
Б.Лхам