UBIKE төслийнхөө 250 сая төгрөгийг Шаркуудаас салгаж чадсан Никель Ганбаа буюу Г.Дашням унадаг дугуйн түрээсийн үйлчилгээг амжилттай хэрэгжүүлж байгаа нэгэн. Хүүхэд залуусын үлгэр жишээ нэгэнд тооцогдогдож байсан тэрбээр хар тамхины хэрэгт холбогдсон мэдээлэл байна.

Тодруулбал, энэ сарын 13-ны оройн 19.00 цагийн орчимд хүүхдийн 100-р дэлгүүрийн орчимд цагаан өнгийн тоёота приус маркын автомашинтай Г.Дашням нарийн гурван иргэнийг саатуулан шалгахад, хар тамхи сэтгэцэд нөлөөлөх ургамал өвс хэрэглэсэн байж болзошгүй тохиолдол илэрсэн байна. Шалгалтаар сэжигтнүүдийн автомашинаас мансууруулах төрлийн бодис илрүүлж, нотлох баримтаар хавсарган авсан байна. Уг хэргийг Сүхбаатар дүүргийн цагдаагийн нэгдүгээр хэлтэст хэргийг үргэлжлүүлэн шалгаж байгаа юм байна.

Сэжигтнүүдээс биологийн дээж авч шинжилгээнд өгөөд байгаа талаарх мэдээлэл бий. Хар тамхины хэрэгт холбогдсон Никель Ганбаагийн халааснаас таван грамм бодис гарсан гэх боловч үүнийгээ таксины жолоочийнх гэж тэрбээр мэдүүлсэн бололтой.

Г.Нацаг