Завхан аймгийн Отгон сумын нутаг дэвсгэрт Бадархундага нуураас олон тооны мөнгө аяга хулгай хийж, улмаар галт зэвсэг хэрэглэсэн этгээдүүдийн хэрэг өнгөрсөн оны арванхоёрдугаар сард шүүхэд шилжсэн билээ. Хэрэгтнүүд нуураас 279 ширхэг мөнгөн аяга авах үед араас нь хөөсөн иргэдийг буудсан юм. Өнгөрөгч 2018 оны есдүгээр сард гарсан уг гэмт хэргийг иргэн Д, Т нарын гурван хүн үйлдсэн юм. Тэд хохирогчдыг “ТОЗ-8” маркийн галт зэвсгээр буудаж алахыг завдан, эрүүл мэндэд нь хөнгөн, хүндэвтэр гэмтэл учруулсан. Түүнчлэн дээрх этгээдүүд галт зэвсэг хэрэглэж хохирогчдоос гар утас, гэрэл зургийн аппарат, “Toyota Landcruiser-200” маркийн автомашиныг нь зөвшөөрөлгүй авсан нь мөрдөн байцаалтын ажиллагаагаар тогтоогджээ.
Хэргийг Завхан аймаг дахь Сум дундын эрүүгийн хэргийн анхан шатны шүүх хэлэлцэж, Ц.Даваабатад гурван жил найман сар хорих ял шийтгэсэн байна. Харин түүнтэй хамт байсан хоёр холбогдогчийн үйлдлийг прокурор хэрэгсэхгүй болгожээ. Шүүхээс тэдний гэмт хэрэг үйлдэхдээ ашигласан усанд шумбагчийн хувцас, тусгай хэрэгслийг “Этүгэн” сургуулийн харьяа усан спортын сургалтын төвд буцааж өгөхөөр шийдсэн бол нуураас гаргаж авсан 279 ширхэг мөнгөн аягыг улсын орлого болгосон байна.
Сэтгэгдэл (13)