АНУ-д айлчлал хийгээд ирсэн Ерөнхийлөгч Х.Баттулга энэ сарын 4-нд Дорнод аймгийн Халхгол суманд албан томилолтоор ажиллажээ. Халхголын байлдааны 80 жилийн ойг ирэх есдүгээр сард ОХУ-тай хамтран тус суманд тэмдэглэх юм. Үүнтэй холбоотойгоор Засгийн газраас Халхгол суманд “Шинэ сум” төслийг хэрэгжүүлж, бүтээн байгуулалтын ажлыг эхлүүлсэнтэй Ерөнхийлөгч Х.Баттулга ийн танилцсан бололтой.

Энэ сард тохиох Халхголын байлдааны 80 жилийн ойн хүрээнд ОХУ-ын Ерөнхийлөгч В.Путин оролцохоо мэдэгдээд байгаа юм. Энэ хүрээнд тэрбээр “Шинэ сум” төслийг хэрэгжүүлэхэд шаардлагатай найман сая еврогийн санхүүжилтийг шийдвэрлэж өгсөн билээ.

С.Сүлд