Тагнуулийн ерөнхий газрын дарга асан, хошууч генерал Б.Хурц болон УЕП-ын орлогч прокурор асан, хууль цаазын итгэмжит зөвлөх Г.Эрдэнэбат нарын есөн иргэнд холбогдох шүүх хурал Төв аймгийн Эрүүгийн хэргийн анхан шатны шүүхэд болж байна. Уг хэргийг шүүх хурлын даргалагч шүүгчээр Ц.Отгонжаргал, Ю.Энхмаа, Т.Батжаргал гэсэн гурван шүүгч ажиллаж байна. Эдгээр шүүгчийн бүрэлдэхүүнээс долдугаар сарын 23-нд болсон шүүх хурлын үеэр шүүгчдэгчдийн нэг нь татгалзсны улмаас шүүх хурал өнөөдрийг хүртэл хойшлоод байсан. Гэвч шүүгчдэгчдийн хүсэлтийг шүүхээс хүлээж аваагүй. Шүүх хуралд Д.Мэргэн, Д.Дамбийядам, Г.Цолмонгэрэл, Д.Дэлгэрцэцэг, Н.Энх-Эрдэнэ, н.Ундрах-Эрдэнэ, н.Гүенбат, н.Буянбилэг, О.Ууганчимэг, Х.Байгальмаа, С.Оюунцэцэг, Н.Буянжаргал, П.Өлзийхүү, Ц.Туяа, Ж.Эрхэмбаатар, Г.Батбаяр, П.Туул гэсэн 17 өмгөөлөгч дээрх нэр бүхий есөн иргэнийг өмгөөлж байна. Гэрч, хохирогчоор талийгаач С.Зоригийн гэргий Б.Булган, ялтан Т.Чимгээ, Б.Содномдаржаа, улсын яллагдагчаар Б.Мөнх-Од, Б.Энэрэл
Шүүхийн байрны гадаа эсэргүүцлийн жагсаал болж байна. Жагсаалыг зохион байгуулагчдын нэгээхэн хэсэг нь уг хэргийг “хонгилын шүүгч” нараар шүүлгэхийг эсэргүүцэж байна. Б.Хурц тэргүүтэй хүмүүсийг хэлмэгдүүлж байна гэсэн лоозон барьж, эсэргүүцлийн тайван жагсаал хийж буй юм. Тэдний хэлснээр уг шүүх хурлын шүүгчээр ажиллаж буй шүүгч Ц.Отгонжаргал нь ашиг сонирхолын зөрчилтэй. Учир нь экс Ерөнхийлөгч Ц.Элбэгдоржийн үед томилогдсон бөгөөд түүний нөхөр нь экс Ерөнхийлөгч Ц.Элбэгдоржийн ойрын хүн. Ховдын уулан дээрээ 20 мянгатын дэвсгэрт цацаж байсан гэдгийг нутгийн иргэд ярьдаг. Харъяалалын дагуу Төв аймгийн шүүх энэ хэргийг шийдэж байгаа байх. Гэхдээ шүүх хурлыг даргалж байгаа шүүгчийг солих хэрэгтэй. Түүнчлэн шүүх хурлыг хаалттай явуулах ямар ч шаардлагагүй. Эрүүдэн шүүж байгааг бүх хүн үзсэн. Ийм байхад хаалттай хуралдаж байгаа нь энэ есөн иргэнийг хэлмэгдүүлэх гэж буй санаархал” гэдгийг жагсагчид хэлж байна.
Харин иргэний нийгмийн хөдөлгөөнийхөн “Төрийн төмөр нүүрийг Б.хурцад харуулах цаг ирсэн. Энэ бол угжирсан асуудал” гэдгийг хэлж буй юм.
Г.Эрдэнэ
