Үндэсний статистикийн хорооноос өнгөрсөн оны нийгэм, эдийн засгийн талаар танилцууллаа.
Тодруулбал, үйлдвэрлэлийн осол, хурц хордлогын 39 тохиолдол нь унах бүдрэх, халтирснаас үүссэн бол эд зүйлд хавчуулагдах 24, унаж байгаа эд зүйлд цохигдох 15, эд зүйл дээр гишгэх суурин болон хөдөлгөөнт эд зүйлд цохигдох 8, гаднын халдлагад өртөх 6, живэх 2, бусад 31 тохиолдол бүртгэгдсэн байна. Нийт гэмтсэн хүмүүсийн 51 буюу 40.8 хувь нь хөнгөн хэлбэрээр, 53 буюу 42.8 хувь нь хүнд хэлбэрээр гэмтэж, 21 буюу 16.8 хувь хүн нас барсан байна.
Харин өнгөрсөн оны арванхоёрдугаар сарын эцэст бүртгэлтэй ажилгүй хоёр хүн тутмын нэг нь бүрэн дунд боловсролтой байна. Улсын хэмжээнд бүртгэлтэй ажилгүй иргэдийн 57.4 хувийг 15-34 насны залуучууд эзэлж, энэ үзүүлэлт Архангай, Хөвсгөл, Сэлэнгэ, Төв, Говь-Алтай, Говьсүмбэр, Дундговь, Ховд, Дорнод, Баянхонгор, Өмнөговь аймагт улсын дунджаас 0.2-11.3 пунктээр илүү байна.
Үйлдвэрлэлийн осол, хурц хордлого 2019 оны дөрөвдүгээр улиралд 125 бүртгэгдэж, өмнөх оны мөн үеэс 42 буюу 50.6 хувиар өссөн байна. Нийт осолдогчдыг хүйсээр авч үзэхэд 24 нь эмэгтэйчүүд байна. Үйлдвэрлэлийн осол, хурц хордлогыг бүсээр авч үзвэл Төвийн бүсэд 41 буюу 32.8 хувь, Зүүн бүсэд 21 буюу 16.8 хувь, Хангайн бүсэд 11 буюу 8.8 хувь, Баруун бүсэд 9 буюу 7.2 хувь, Улаанбаатар хотод 33 буюу 26.4 хувиар тус тус бүртгэгджээ.
Мэргэжлийн хяналтын ерөнхий газрын мэдээллээр 2019 оны эцэст үйлдвэрлэлийн осол, хурц хордлого 336 тохиолдол бүртгэгдэж, осолдогчдыг насны бүлгээр авч үзвэл 15-17 насанд нэг, 18-24 насанд 14, 25-34 насанд 40, 35-44 насанд 37, 45-59 насанд 33 байна. Нийт осолдогчдыг эрхэлж байсан ажил мэргэжлээр авч үзвэл, энгийн ажил мэргэжилтэй 56 буюу 44.8 хувь, суурин төхөөрөмж, машин механизмын операторч, угсрагч 16 буюу 12.8 хувь, үйлдвэрлэл, барилга, гар урлал, холбогдох ажил, үйлчилгээний ажилтан 15 буюу 12.0 хувь, техникч болон туслах, дэд мэргэжилтэн 13 буюу 10.4 хувь, контор, үйлчилгээний ажилтан 8 буюу 6.4 хувь, зэвсэгт хүчний ажил, мэргэжил 7 буюу 5.6 хувь, мэргэжилтэн 6 буюу 4.8 хувь, худалдаа, үйлчилгээний ажилтан 3 буюу 2.4 хувь, менежер 1 буюу 0.8 хувь байна.
