УИХ-ын гишүүн С.Эрдэнэ цаг үеийн асуудлаар мэдээлэл хийлээ.

Тэрбээр "Үндсэн хуульд УИХ-ын гишүүн гэж бүх ард түмний төлөөлөгч мөн гэж заасан байдаг. Тойрог мандатыг хуваахдаа хүн амын байршил, газар нутгийг харгалзаж үзэх ёстой. Уг нь Их Хурал мандат хуваарилдаг газар биш. 76 хүн тэнцүү эрхтэй, төлөөллийн зарчим нь шударга байх ёстой. Хоёрдугаарт, эрх баригчид хүний хүн шиг хандаж байна. Нийслэлийг 28 мандатын дөрвийг нь авч, засаг захиргааны нэгдмэл байх зарчмыг эвдсэн. Шууд утгаараа бол Үндсэн хууль  зөрчиж байгаа юм. Тиймээс Ерөнхийлөгч асуудлыг зөв тийш нь болгох талаар хандах байх гэж найдаж байна. Мөн бид энэ асуудлаар Үндсэн хуулийн цэцэд хандана.

Монголчуудын үндсэн эрх сонгох, сонгогдох эрх байдаг. Энэ хүрээнд нийслэлчүүдийн сонгогдох эрхэд халдаж байна. Цэцэд хандлаа гээд маргаан нөлөөлөхгүй гэж харж байна.

Гишүүн Н.Номтойбаярыг чөлөөлөх асуудалд ойлгомжгүй байдал бий болголоо. Хуулийн гацаа өөрсдөө үүсгэсэн. Энэ талаар Дэгийн тухай хуульд зохицуулалт байхгүй. Уг нь саналаараа чөлөөлөгдөх өргөдлөө өгснийг Төрийн байгуулалтын байнгын хороо хүлээгээд авчихсан. Энэ шийдвэрийг хүчингүй болоод түдгэлзүүлэх шийдвэр гаргалаа. Түдгэлзүүлэх нь тодорхой хугацаанд гэм буруугаа шалгуулаад гэм буруугүй нь тогтоогдвол буцаад гишүүн болох боломжтой" гэлээ.

Б.Лхам