БНХАУ-ын Ухань хотод  Монгол Улсын 33 оюутан суралцаж байгаагийн 31 нь эх орондоо ирэх хүсэлт гаргасан. Энэ дагуу манай усын Засгийн газраас иргэдээ авч ирэх хүсэлтийг БНХАУ хүлээн авснаа мэдэгдээд байгаа юм. БНХАУ-ын талаас холбогдох хариу өгсөнтэй холбогдуулж МИАТ ТӨХК-ийн тусгай үүргийн онгоц маргааш нисэхээр бэлтгэлээ базаажээ.

Сонирхолтой нь, тусгай үүргийн онгоцны бүрэлдэхүүнийг залуу нисгэгчдээр бүрдүүлжээ. Тодруулбал, онгоцны даргаар Г.Баатарцогт, хоёрдугаар нисгэгчээр Б.Батманлай, Т.Эрдэнэ-Очир нарын залуучууд явахаар болсон байна. Эдгээр нисэгчдийн хувьд 1987-1991 онд төрсөн МИАТ-ийн залуу боловсон хүчин юм байна. 

Ташрамд сонирхуулахад, оюутнуудыг эх орондоо ирэхэд ХӨСҮТ-д тусгаарлаж, үзлэг шинжилгээ хийх, хяналтдаа авна гэдгийг Эрүүл мэндийн яамнаас хэлж буй. Мөн Засгийн газраас шинэ коронавирусын өвчинтэй тэмцэхэд нь зориулж БНХАУ-д 200 мянган ам.доллартай тэнцэх хэмжээний мөнгөн тусламж үзүүлэхээр шийдвэрлээд байна.

С.Сүлд