“Ялгаварлыг хариуцлагажуулъя” ТББ-аас Үндсэн хуулийн цэцийн гишүүн Д.Одбаярт хариуцлага тооцохыг шаардаж төрийн гурван өндөрлөгт хандлаа.

Тэдний зүгээс ““Ялгаварлыг хариуцлагажуулъя” ТББ, Машинтай жагсагчид, Бид уучлахгүй, Уухай хөдөлгөөн зэргээс хамтран төрийн гурван өндөрлөгт албан бичиг хүргүүлж байна. Төрийн томоохон албан тушаал эрхэлдэг хүмүүс улсынхаа нэрийг хайрлан хамгаалах, хариуцлага алдсан тохиолдолд зөөлөн суудалдаа шигдэлгүй, шударгаар хариуцлага хүлээдэг засаглалыг хүсч байгаа талаар бичсэн.

Д.Одбаяр Үндсэн хуулийн цэцийн даргынхаа ажлыг өгсөн ч гишүүн хэвээр байгаа нь шударга бус гэж үзэж байна. Бид Үндсэн хуулийн цэцэд шаардлага хүргүүлсэн. Хариуд нь албан бичиг авна гэж бодож байсан ч сонингийн тасархай хайчилбарыг үдээсээр үдээд өгсөн. Ингэхдээ та бүхэн Монгол Улсын өргөдөл гомдол, хуулийн дагуу тохирсон байдлаар бичээгүй учраас тохирсон хариуг нь өглөө гэсэн байсан. Төрийн байгууллагаас ийм байдлаар албан бичиг авч байна. Энэ зүй зохистой үйлдэл үү талаар лайв хийсэн. Үүний дараа та нар өргөдөл, гомдол өгчих. Бид албан бичгээр хариу өгье гэсэн. Ер нь ажлын байр дахь бэлгийн дарамттай хэрхэн тэмцэх вэ. Ёсзүйгүй хандсан, хариуцлага алдсан албан тушаалтан өөрсдийн ухамсраар хариуцлагаа хүлээдэг болмоор байна” гэлээ.

Б.Лхам