Онцгой байдлын ерөнхий газрын дарга Т.Бадрал Улсын Онцгой комиссын хуралдаанаар шийдвэрлэсэн асуудлын талаар мэдээлэл хийлээ.

Тэрбээр “Нөхцөл байдал нэлээд ярвигтай болж эхэлж байна. Учир нь коронавирусын халдварын улмаас хоногт 60 гаруй хүн амиа алдаж байна. Өвчин оргил үе рүүгээ дөхөж байгаа юм байна гэсэн олон улсын байгууллагаас хэлж байна.

БНХАУ-ын Хунан мужид шувууны томуу мөн гарсан. Үүнтэй холбогдуулан уг асуудлыг ярихаас өөр аргагүй. Мөн голомт дэгдсэн улсуудтай хил залгасан улсуудад энэ өвчин илэрлээ. Тиймээс манай улс тодорхой арга зам гаргаж, шинэ төлөвлөгөө хэрэгжүүлэхээс өөр арагүй. Шувууны томуу гарсантай холбогдуулан тахианы махыг хорих асуудал гарч байна. Хилийн ихэнх боомтууд хаасан. Дөрвөн боомтын хувьд хүндрэлтэй байгаа бөгөөд хүсэлт ирүүлсэн монгол иргэдийг татан авахдаа халдвар хамгааллын асуудлыг сайтар хийх шаардлагатай байна. Ялангуяа гаалт, мэргэжлийн хяналт, эрүүл мэндийн байгууллагын хил дээрх үйл ажиллагаа ямар байгаа талаар шалгаж, зөвлөгөө өгнө.

Коронавирустай холбоотойгоор шоинэ төлөвлөгөө хэлэлцсэн. Маргааш гэхэд улсын онцгой комисс дахин хуралдаж, санхүүгийн асуудлаа шийднэ. Дэлхийд халдвар авсан иргэдээ тусгай объектод оруулж, эмчилгээ хийж байна. Энэ талаар манайх ч бас судалж байна. Мөн хүнсний  асуудал, улсын нөөцөд байгаа эмнэлгийн бүтээгдэхүүнийг хэрхэн хуваарилах талаар ярилцлаа. Ингээд тооцоо судалгаа гаргаад Засгийн газарт танилцуулах зэрэг өргөн асуудлаар хуралдсан. Урьдчилсан байдлаар ийм зүйлийг ярилаа. Мөн голомтын бүсээс ирж байгаа иргэдийг хил дээр нь тусгарлах асуудал ярьсан. Маргааш эдгээр асуудлыг шийдвэрлэнэ” гэлээ.

Б.Лхам