БНСУ-д коронавирусний халдвар өдөрт 400-800 тохиолдол нэмж бүртгэгдэж, нөхцөл байдал хүнд байгааг тус улсын Засгийн газраас мэдэгдсэн байна. Энэ сарын 7-ны байдлаар 483 тохиолдол нэмж бүртгэгдсэнээр 6767 хүн халдвар авч нийт 44 хүн нас барж, 118 хүн эдгэрээд байна. Халдварын тархацыг авч үзвэл, Тэгү хотод 5084 хүн, Гёнбукт 1049 хүн халдвар авсан бөгөөд  халдвар авсан хүмүүсийн 90 хувь нь тухайн бүс нутагт бүртгэгдээд буй юм.

Нийт халдвар авсан хүний 62,7 хувь буюу 4245 нь эмэгтэй бол, 37,3 хувь буюу 2522 нь эрэгтэйчүүд эзэлж байна. 

Насны хувьд 20-идд насныхан 29,9 хувь буюу 2028 хүн бүртгэгдсэн нь хамгийн их хувийг эзэлж байна. Халдвар авсан иргэдийг бүрэн эмчлэх вакцин гараагүй бөгөөд үе шаттайгаар эмчилгээг хийж байна. 

Халдвар аваад удаагүй хөнгөн хэлбэртэй хүнийг дархлааг нь дэмжих, дусал болон эмээр эмчилж буй бол биеийн байдал хүэд бол ХДЧВ/ДОХ-ын эсрэг ашигладаг эмийг тунгаар хэрэглэж байна гэдгийг сэтгүүлч Э. Ижилболд мэдээллээ.

Г.Маргад