COVID-19 халдварын талаар Эрүүл мэндийн яамнаас мэдээлэл хийлээ.

Мэдээллийн эхэнд ЭМЯ-ны хэлстийн дарга Д.Нарангэрэл халдварын тархалтын үед нэг нэгийгээ ялгаварлан гадуурхахгүй, эв нэгдэлтэй байх нь хамгийн чухал байгааг онцоллоо.

ДЭМБ-ын мэргэжилтэн О.Ариунтуяа “Монгол, Канад зэрэг таван оронд халдвар шинээр бүртгэгдсэн. БНХАУ-д 17 нас баралт, 20 тохиолдол шинээр бүртгэгдлээ. Харин БНСУ-д 131 тохиолдол шинээр бүртгэгдсэн бөгөөд халдвар буурах хандлагатай байна. Тус улсын зүгээс нийт 180 гаруй мянган хүнд шинжилгээ хийсэн. Тэдгээрийн 89 хувьд нь халдвар илрээгүй. Итали улсад хоногт 161 хүн нас барж, 1700 халдварын шинэ тохиолдол бүртгэгдсэн. ДЭМБ-аас тахлын эрсдэл бодит аюул болж байгааг анхааруулсан. Гэхдээ хязгаарлалт авч болдог гэдгийг зарим улсын жишээ харуулж байна. ДЭМБ-аас гурав, дөрөвдүгээр үе шатуудад илүү няхуур байхыг зөвлөж байна”.

ЭМЯ-ны Эмнэлгийн тусламжийн газрын дарга Я.Буянжаргал “Өчигдөр нислэгүүдийг тодорхой хугацаагаар зогсоох, тусгай нислэг гаргаж иргэдээ татаж авах шийдвэр гаргасан. Мөн 0-5 настай эхийг гэрээс нь ажлуулахыг уриалж байна.

Өнөөдөр Москва-Улаанбаатар чиглэлийн нислэгээр 107 хүн ирсэн. Үүнээс 70 иргэнээс тусгайлан шинжилгээ авч, 30 хүнийг тусгаарлалаа.

Дархан-Уул аймагт нэг тохиолдол нэмэгдэж, нийт 63 хүнийг хяналтад байна. Сэлэнгэ аймагт 66 хүн тусгаарлалтад бий. Тэдгээрийн биеийн байдал хэвийн байна. Өнөөдрийн байдлаар 715 хүн ажиглалтад байна. Өнөөдөр батлагдсан тохиолдлыг ХӨСҮТ-ээс авчирсан. Бид Хятад улсын голомтод ажиллаж байгаа эмч нартай холбоо барьсан. Тэдний эмчилгээ оношилгоондоо ашиглаж байгаа заавар зөвлөгөө, туршлага судлахаар холбогдсон. Улмаар Монголын уламжлалт анагаах ухааны танг бэлдэхээр ажиллаж байна. Мөн нэмэлт цэгүүдийг хэрхэн нэмэгдүүлэх талаар судалгаа гарган ажиллаж байна” гэлээ.

А.Сүх