Нийслэлийн Засаг дарга бөгөөд Улаанбаатар хотын захирагч С.Амарсайхан цагүеийн асуудлаар мэдэлэл хийлээ. Тэрбээр “Анагаахын шинжлэх ухааны Япон-Монголын сургалтын төвд ажиллаа. Орчин үеийн техник, технологиор тоноглогдсон. Гэхдээ зарим урвалж, бодис, түргэн тусламжийн автомашин зэрэг зүйлс хэрэгтэй байгаа юм байна. Энэ асуудлыг УОК-т танилцуулж, шаардлагатай тоног төхөөрөмж худалдан авах асуудлыг ойрын хугацаанд шийдвэрлэнэ. Мөн Хан-Уул дүүрэгт 300 ортой эмнэлэгт ашиглалтад орсноор тусгаарлах орны хүрэлцээ сайжирна. Коронавирусний тархалтаас сэргийлэх ажлаас гадна хотын эдийн засгийг дэмжих шаардлага байна. Энэ хүрээнд шаардлага хангасан иога, фитнесс төв, саун зэргийн үйл ажиллагаа нээсэн. Эрүүл ахуй, халдваргүйтлийн ажилд хяналт тавин ажиллана.

Нөгөөтээгүүр, иргэд ухамсар, хариуцлагатай байж халдварт өвчнөөс сэргийлнэ. Тиймээс “Хотын соёл” аяныг эхүүлсэн. Хотын соёл ярьж, нэхэж байж эрүүл, цэвэрхэн орчинд амьдарна. Бусдын эрх нэг хүний буруу үйлдлээс болж хязгаарлагдах ёсгүй.

Олон нийтийн цагдаа ажилдаа гарсан. Хууль сахиулж, хууль журмыг иргэний хариуцлагын хүрээнд хэрэгжүүлэх үүрэгтэй учир дэмжиж ажиллахыг иргэдээс хүсье. Хэсгийн ахлагч нар амралт авдаггүй байсан. Одооноос жилд нэг удаа ээлжийн амралт авах эрхтэй болсон. Дээр нь цалин нэмэгдсэн. Мөн зарим газарт газар төлөвөлтөт хийж байна. Гудамжууд руу дэд бүтэц татаад эхэлсэн айл бүрийн хашаанд дэд бүтэц татах боломжгүй. Өөрсдөө дулаан, усны шугмаа татах ёстой. Ингэснээр хашаандаа сайхан амьдрах боломжтой болж байна" гэлээ.