Монголчууд короанавирусний эсрэг маш сайн тэмцэж байна. Гэхдээ монголчууд гэж нийтийг хамруулахаас илүүтэй эмч, эмнэлгийн ажилчид, хилчид, цагдаа, мэргэжлийн хяналт, онцгой байдлын алба хаагчид гэж цохон тэмдэглэх нь зүйн хэрэг байх.

Тэд нэгдсэн нэг удирдлага, зохион байгуулалтад орж, тууштай, зүрх сэтгэлтэй ажиллаж чадсны эцэст дотооддоо халдвар тархаагаагүй улс, орны жагсаалтыг Монгол Улс нүүр бардаж өнгөлөх шалтаг, шалтгаан болж чадсан юм.

Гэвч, гэвч...

Хэдий дотоодоо халдвар алдаагүй ч, хэдий гадаад дахь иргэдээ татан авч халдвар авсан нэгнээ эрүүлжүүлж байгаа ч гадаад дахь хөх толбот 40 гаруй иргэн халдвар авч, зарим нь эмнэлгийн тусламж ч авч чадахгүй шахуу шаналж байна. Тэдний нэг нь загвар өмсөгч Нора.

Итали улсад ажлаар очоод эргэн ирж чадахгүй гацсан тэрбээр коронавирусний халдвар авсан ч азаар эдгэрчээ. Түүн шиг эрүүл мэндээрээ хохирсон 40 гаруй иргэн гадаадад бий. Энэ тоо цаашид хэд болж өсөхийг таашгүй.

Энэ талаар загвар өмсөгч Нора “Hi guys! Намар боллоо!!! Сонгууль болоод дууслаа. Та хэд минь ч элбэг дэлбэг, элэг бүтэн сайхан наадах шиг боллоо. Одоо бүгд хөдөө амарч зугаалаад юун Corona, юун маск зүүх манатай шоудаж, жаргаж байгааг чинь харах сайхан байна.
Одоо бид гэртээ харья, хоёр сараас хойш гадаадад гацлаа.
Улс орон даяараа яах гэж явсан юм бэ. Өвчин авчрах гэлээ, наанаа үх гэж харааж зүхэж дайрч доромжилсон.
Нутаг буцаж чадахгүй байсны улмаас нөгөө айхтар Соронаг тусаад эдгэрсэн. Залуу хүн тулдаа үхээгүй!
Одоо долдугаар сар. Таван сар хүлээлээ
 

Еврогийн ханш 3200 төгрөг гарчихлаа. Сард доод тал нь 2000 евро хоол байранд зарцуулж байна.

Халдварын хоёр дахь давалгаа эхлэхээс өмнө гэртээ харья. Гадаадад суурьшсан, ажиллаж амьдардаг байнгын оршин суух визтэй, эсвэл гадаадад харласан хүмүүсээс богино хугацаагаар зорчихоор яваад гацсан хүмүүсийн хооронд маш том ялгаа байдгийг ойлгож, мэдэж авах хэрэгтэй” гэжээ.

Эрүүл мэндийн яамнаас гадаад дахь халдвар авсан монгол иргэд хувийн мэдээллээ нууцалж, дэлгэрэнгүй мэдээлэл өгөхөөс татгалзаж байна гэдгийг мэдээлсэн. Энэ нь ч нэг талааса зүйн хэрэг. Тэгвэл загвар өмсөгч Нора энэ тухайгаа ний нуугүй шуудхан хэлсэн нь гадаадад гацсан иргэд ямархуу хүнд байдалд байгаагийн нэг илрэл боллоо.