Монгол даяар энэ зун бороо хуртай л өнгөрч байна. Хадлан бордоо, мал хуй, байгаль дэлхийгээ бодохоор сайхан зун болоод байгаа юм. Гэвч Увсаас Хэнтий, Улаанбаатар хот гээд бүхий л нутаг оронд төрийн мөнгөөр тавьсан замууд эвдэрч, айлууд усанд автаж, хүний амь ч сүйдлээ. Сав газруудын голын усны түвшин дор хаяж 20 см-ээр нэмэгджээ. Тэгэхээр үер улам нэмэгдэж байна гэсэн үг.
Үер усны гамшгийг бөөнөөрөө суурьшсан Улаанбаатарын илүү амсаж байх шиг байна. Барьсан замуудад нь ус зайлуулагч байхгүй. Одоо л хийе гээд төсөв нэхэж байх жишээтэй.
Гэр хороололд энэ байдал хэтрээд нүхэн жорлонгийн баас шээс нь гудамж талбай, айлын хашаанд урсаж байна. Хэдхэн хоногийн борооны дараа бараг 5 тэрбум төгрөгийн хохирол учирсан байгаа юм. Гэхдээ энэ хохирол улсад учирсан буюу айлд өрхүүд, иргэдийн эрүүл мэндэд учирч болох халдварын эрсдэлийг тооцоогүй тоо юм. Гэтэл хэдхэн хоногийн өмнө БНСУ-д борооны улирал харьцангуй удаан үргэлжилж, үер буусантай холбоотойгоор төр засаг нь түргэн арга хэмжээ авч 7000 гаруй хүнийг түр нүүлгэжээ. Харин манай дарга нар таг чиг.
Тиймээс ЗГХЭГ-ын дарга Л.Оюун-Эрдэнэ маш ойрын үед харицсан ажлаа хийж эхлэх хэрэгтэй. Засгийн ажил хийж байгаа бол замаа янзалж, усаа соруулж ард иргэдээ хохирлоос, халдвараас сэргийлэх ёстой.
Сэтгэгдэл (22)