Татварын ерөнхий газраас НӨАТ-ын хуулийн хэрэгжилтийг сайжруулах зорилгоор технологийн шинэчлэл хийсэн талаар мэдээлэл хийлээ.

Татварын ерөнхий газрын дарга Б.Заяабал “Өмнө нь И-баримтыг тусгай төхөөрөмж, цаас ашиглаж хэвлэдэг байсан бол одооноос эхлэн тусгай апп ашиглаж, баримт үүсгэх боломжтой боллоо. Өөрөөр хэлбэл, хөдөө орон нутагт оршин суудаг малчин, хувиараа бизнес эрхлэгч байхаас үл хамаарч баримт үүсгэх боломжтой. Анх 595 мянган иргэн и-баримтад бүртгүүлж байсан бол өнөөдөр 1.4 сая болж өссөн.

Баримт хэвлэх цэгийн тоо мөн нэмэгдсээр байна. Жилийн 50 сая төгрөгийн борлуулалттай ААН хоёр хувийн буцаан олголт өгдөг.  

Зарим ААН баримт өгөхгүй байх тохиолдол гарч байна. Энэ тоолонд татварын албанаас торгох бус харин сануулах, анхааруулах арга хэмжээ авч ажиллаж байна. Түүнчлэн иргэдийн зүгээс ирэх гомдол тасрахгүй байна. Жишээлбэл, баримтын хөл зөрдөг, үнийн дүн таарахгүй байна гэсэн гомдол ихэвчлэн ирдэг" гэлээ.