Ерөнхий сайд У.Хүрэлсүх Газрын тос боловсруулах үйлдвэрийн төв оффисст ажиллаж байна. Энэ үеэр төслийн захирал Д.Алтанцэцэг “Газрын тосны үйлдвэрийн хотхоныг барих ажил амжилттай явж байна. Үүнийг барьснаас үйлдвэр барих зардлыг багасгана. Нэг жилд 8000 орчим хүн ирж ажиллана гэж тооцвол хотхон барьснаар 500 орчим тэрбум төгрөгийг хэмнэнэ. Хотхоныг буулгаад явдаг кэмп биш. Дагуул хотын хэмжээнд бий болж байгаа бүтээн байгуулалт.

Түүхий эдийн хувьд мэдэж байгаа болохоор дэлгэрэнгүй яриад хэрэггүй байх. 20, 21 дүгээр талбайгаас 50, 50 хувиар хольж нийлүүлнэ. Газрын тосны геологи, хайгуулыг эрчимжүүлэхгүй бол түүхий эдийн дутагдалд орж магадгүй байна. Газрын тосны үйлдвэр бол улс орны хэмжээнд стратегийн ач холбогдолтой. Гаднаас түүхий эд, бүтээгдэхүүн авахаа болино. Гэхдээ олборлогч компанийн нөлөөнд орох магадлал өндөр. Тиймээс төрийн өмчит өөрийн компанитай болох нь зүйн хэрэг.

Хөгжлийн банкны зүгээс үйлдвэрийн дэд бүтэц, хотхоны зардал 12 хувийн хүүтэй зээл олгодог. Энэтхэгээс авч байгаа зээл нь 1.75 хувь. Одоо бидний бүх юм барьцаанд байгаа. Газар, хотхон гээд. Хөл дээрээ зогсож байгаа үйлдвэрийн хувьд хүнд. Барьсны дараа бараг банкны эзэмшилд очих хэмжээний асуудал байна. 200 тэрбумын зээл авсныхаа төлөө 170 орчим төгрөгийн хүү төлөхөөр байна” гэв.

С.Сүлд