Үндсэн хуулийн 6.2 дугаар заалтын талаар хэлэлцүүлэг төрийн ордонд болж байна.

С.Ганбаатар:  Нийтийн өмч хулгайлагдсан 30 жил болсон. АНУ-д байшин авсан л гэнэ. Энэ нь нийтийн өмчөөр авсан. Энэ хүнд байдлаас болж иргэд санаа зовниж байгаа хүсэл зоригоо илэрхийлж байна. Үндсэн хуулийн мэдлэг гээд Б.Чимид гуайн номыг би барьдаг. Үндсэн хууль засаг төрийн дур зоргоороо ажиллахыг хязгаарлаж өгдөг. Төр нийтийн гэдэг чинь Монгол Улсын өмч, ард түмний өмч гэдэг чинь утга нэг гээд байдаг. Тийм юм бол ард түмний өмч гээд заачихад юу нь болохгүй байгаа юм бэ. Үндсэн хуулийн тайлбарыг хэн хийдэг юм бэ. Үндсэн хуулийн цэц хийх эрхтэй гэж та хэлсэн. Тэгвэл энэ талаар тайлбар хийх эрх энд байгаа хүмүүсийн хэнд нь ч алга.

О.Мөнхсайхан: Үндсэн хуулийг ямар утгатай вэ гэдэг утгыг тайлбарлах эрх хэнд ч нээлттэй. Энэ бол албан бус тайлбар. Харин албан ёсны тайлбар нь төрийн гаргаж буй шийдвэрээр илэрхийлэгддэг. Маргааныг эцэслэх эрх нь Үндсэн хуулийн цэцэд бий.

Мөн Үндсэн хуулийн нэмэлт, өөрчлөлтийн хэлэлцүүлгийн үед Ерөнхийлөгч нийтийн өмач гэж нэрлэе гэсэн санал оруулсаны дараа энэ талаар маш их яригдаж байна. Энд олонхийн зөвшилцлөөр төрийн нийтийн өмч гэж оруулж ирсэн гэж ойлгож байгаа. Төрийн өмч гэсэнд буруу зүйл байхгүй гэдэгт итгэл үнэмшилтэй байдаг.

Гуравдугаарт, Үндсэн хуулийн 6.2 заалтыг юу гэж ойлгох вэ гэдэг хэлэлцүүлэг болж байна. Үүнийг судлаачийн хувьд харвал олон нийтийн дунд яриад байгаа шиг газрыг шууд гадаадын иргэн эзэмших эрхтэй болсон гэсэн зүйл биш.  

С.Ганбаатар: 3 сая хүн энэ томъёоллыг дэмжиж байгаа тохиолдолд өөрчлөлт оруулах боломж нь бий юу?

С.Мөнхсайхан: Үндсэн хууль төрийн дур зоргыг хязгаарлах нэг зорилго нь мөн. 1992 оны Үндсэн хууль, болон нэмэлт, өөрчлөлт нь төрийн дур зоргоор ажиллах боломжийг хамгийн сайн хязгаарласан хууль гэж ойлгож болно. Үндсэн хуулийг дээдлэхийн амин чухал нь Үндсэн хууль тогтвортой үйлчлэх юм.

Б.Лхам