УИХ-ын чуулганы ээлжит бус чуулганы нэгдсэн хуралдаанаар өнгөрсөн тавдугаар сарын 7-ны өдөр батлагдсан УИХ-ын тухай хуулийн шинэчилсэн найруулгад тавьсан Ерөнхийлөгчийн хоригийг хэлэлцэж байна. Энэ үеэр гишүүд үг хэлж, асуулт асуулаа.
С.Одонтуяа: Ерөнхийлөгчийн хориг тавьсныг хэлэлцэх шаардлагатай гэж үзэж байна. Алдаа гаргаж болдог юм, засдаг юм гэж бодох нь өрөөсгөл ойлголт. Хууль санаачлах эрх гэдэг хамгийн чухал эрх. Энэ эрх парламент, Засгийн газар, иргэдэд бий. Парламент, Засгийн газар нэгдмэл сонирхолтой байдаг. Ийм үед энэ тэнцвэр алдагддаг юм.
Намын харьяаллаас түдгэлзсэн цорын ганц хууль тогтоогч бол Ерөнхийлөгч. Тиймээс Ерөнхийлөгчийн хууль санаачлах эрхийг хязгаарлах нь туйлын буруу. Үндсэн хууль хэлэлцэж байх үед 33 дугаар зүйл яригдсан юм уу. Үндсэн хуулиас давсан хууль гэж үгүй. 6300 хүний санал аваад сонгогдсон УИХ-ын гишүүн бий. Гэтэл Ерөнхийлөгч 630 мянган хүний санал авч сонгогдсон шүү. Хэт нэг талд туйлширч болохгүй.
С.Бямбацогт: Ерөнхийлөгчийн хууль санаачлах эрхийг хязгаарлаад байгаа зүйл байхгүй. Ерөнхийлөгч өөрөө зөвшөөрсөн.
Б.Лхам
